Fraknói Vilmos (szerk.): Monumenta Hungariae Historica 3. Monumenta Comitialia regni Hungariae 6. 1573—1581 (Bp., 1879)

II. A POZSONYI ORSZÁGGYŰLÉS 1576. JANUÁR- ÉS FEBRUÁRBAN

160 A POZSONYI OHSZAUGYÜLÉS futura, sed debitam semper ipsorum curam atque rationem babitura sit. Quemadmodum Maiestas Vestra, pro sua prudentia, id quod hoc loci conuenire videbitur, optime dispiciet. Locumtenenti autem, quantis a Maiestate Vestra beneficiis auctus sit, quantum etiam Maiestas Vestra in ipso íiduciae collocatum babeat, in memóriám vocandum, significandumque videtur, Maiestatem Vestram sibi omnino persuasum habuisse ipsum pro eo. quo Maiestati Vestrae obstrictus est fidelitatis vinculo, si tale quid agitari sensisset, quod in Maiestatis Vestrae aut meum vilipendium vergeret, eiuscemodi inconuenientiis sese omnibus módis oppositurum, vel saltem in tali casu neutiquam lingua liberiore, sed debita modestia et consideratione usurum fuisse. Similiter Jauriensi etiam episcopo ostendi posset, cum consiliorum illorum ipse sine dubio conscius fuerit, sui fuisse officii tantam ordinum et statuum immodestiam sua authoritate reprimere, vel saltem cum tela praeuisa minus nocere soleant, ea de re me in tempore praemonere. Et quia ordines ad replicam Maiestatis Vestrae intra biduum vel triduum responsuros confido, rogo Maiestas Vestra suam ad querelam statuum resolutionem ita accelerari curet, quo responsum illud anteuertat, Vestraeque Maiestati non suam solum, sed [meam etiam existimationem, ex sublimitate Maiestatis Vestrae dependentem, pro paterna sua erga me affectione, curae esse appareat. Quod restat, eiusclem Maiestatis Vestrae paterno fauori me filiali studio obsequenter commenclo. Datum in arce regia Posonii, die vigesima octaua Januarii, anno Domini millesimo"quingentesimo septuagesimo sexto. Eiusdem Sacrae Caesareae ac Regiae Maiestatis vestrae. obedientissimus filius Rudolpkus. Postscriptum. Sacratissime caesar, domine ac genitor obseruandissime. Deputati aliquot a statibus regni, bora circiter nona antimeridiana, ex decreto 'senatus mihi exposuerunt, ordines et status accipere, vehementiore ipsorum querela me nonnihil offensum esse, id summo ordines dolore afficere, protestando, ipsorum mentis plane non esse, nec unquam