Fraknói Vilmos (szerk.): Monumenta Hungariae Historica 3. Monumenta Comitialia regni Hungariae 3. 1546—1556 (Bp., 1876)
III. A NAGYSZOMBATI ORSZÁGGYŰLÉS 1547. Deczemberben.
162 A NAH YS KOMB ATT ORSZÁGGYŰLÉS Status uero et ordines Regni Hungarie, qui hactenus Turcarum Tyrannidi utcunque restiterunt, quique superstites adhuc sunt, viritim fortunas, capita, et vitam suam in auxilium sacratissime Caesaree Maiestatis vestrae conferent, primi in aciem progredientur, primos quoque hostiles impetus excipient, et sanguinem, si ita Deo visum fuerit, cum anima in conspectu sacratissimarum Maiestatum vestrarum , pro fide Christiana efflabunt. Non est autem cur sacratissima Caesarea Maiestas vestra religione induciarum, a suscipienda generali expeditione animum auertat ; dabit in dies Turca mille occasiones rumpendi foederis et induciarum ; ut enim assuetus est rapinis et spoliis viuere, ita fidem et foedera obseruare non solet. Si vero sacratissima caesarea Maiestas vestra, hoc tempore, ob alias curas et negotia, tum priuata sua. tum uero publica, generalem contra Turcam expeditionem comparare nequaquam posset, sed eam in aliud tempus differret ; orant eandem status et ordines Regni Hungarie, dignetur, collato cum prefata sacra Regia Maiestate, domino ipsorum clementissimo, caeterisque principibus sacri Romani Imperii consilio, ea presidia in Regnum ipsum Hungarie et Sclauonie, et etiam prouintiarum hereditariarum atque aliarum Maiestatis Regie, Hungarie vicinarum mittere, quibus perinde ac belli tempore cum Semper in acie standum sit, arces et loca finitima ita muniantur, ut parati hostiles irruptiones excipere et propulsare, ac interini dum generalis ipsa expeditio comparari poterit, reliquie ipsius Regni et parcium ei subiectarum, in tranquillitate conseruari possint ; nam vires et facultates Hungarorum adeo iam continuis Turcarum direptionibus, et multis aliis oneribus atque expensis ad conseruationem gentium expositis, attrite sunt et diminute, ut sine externo presidio nequaquam vel in modica parte sufficere posse, ad tam latissima confiniorum loca, videantur. Ad quae foeliciter expedienda dominus Deus adiuuet et seruet sacratissimam Maiestatem vestram foelicem et incolumem, in cuius gratiam et elementiam status et ordines dicti Regni Hungarie sese suppli-
