Fraknói Vilmos (szerk.): Monumenta Hungariae Historica 3. Monumenta Comitialia regni Hungariae 2. 1537—1545 (Bp., 1875)
XIV. A NAGYSZOMBATI ORSZÁGGYŰLÉS. 1545. Februárban.
1545. FEIIRHÁRBAN. 659 statis, et pro tantorum conatuum, salutarisque instituti secundo successu. Etsi autem nobis dubium iam esse non potest, quin Maiestas vestra institutam expeditionem ea maturitate et celeritate inchoet, ut quod animo concepit, divina benignitate imminens iugum a cervicibus Hungarorum excutiat ; quod tarnen de adventu liostis valida et forti manu certo ubique rumore circumfertur, et nos periculis ac cladibus praeteritis iure propemodum cogimur iam omnia pertimescere ; facere non possumus, quin, quod proximis mensibus fecimus, aliis litteris ad Maiestatem vestram Yienna datis, eidem lmmillime supplicemus, dignetur conatus istos suos et institutam provinciám mature suscipere, atque explicare, bostemque longo intervallo studeat in hoc Regnum praevenire ; sie enim nationem nostram longe ante secula cum hoc hoste strenue decertantem secum Maiestas vestra habitura est alacrem, expeditamque ad omnia munia, et reliqua demum omnia obtinebit faciliora ; quod contra eveniet, si hostem priorem contingat in regnum perrumpere, quemadmodum Maiestas vestra pro sua sapientia, iudicioque gravissimo facile intelligit. Quod ad commeatum attiuet, caeterosque bellicos apparatus, ad quos Maiestas vestra, nos elemen ter hortare dignatur, dubitare non debet Maiestas vestra, quin etiam supra vires nostrates omnes, omnibus, quibus poterunt, modis ac* rationibus in tam extremis rebus expeditionem Maiestatis vestrae iuvent, et virtutem eorum avitam, pristinumque animi robur et singulare studium in patriam et religionem christianam, quod eius fieri poterit, cunctis suspiciendum praebeant. Caetera Maiestas vestra ex domino oratore suo cognoscet ; quam Dens altissimus servet diu f'oelicem et incolumem pro salute christianitatis. Datum Tyrnaviae XX. die februarii, anno Domini MDXLY. Praelati, barones, nobiles, caeterique ordines et status Regni Hungáriáé Tyrnaviae congregati. (A brüsseli állami levéltárban őrzött eredeti példányból közli Horváth M. Brüsseli Okmánytár. II. 117—119. 11.) 42 *
