Fraknói Vilmos (szerk.): Monumenta Hungariae Historica 3. Monumenta Comitialia regni Hungariae 2. 1537—1545 (Bp., 1875)
XII. A BESZTERCZEBÁNYAI ORSZÁGGYŰLÉS.1543. Novemberben.
580 A JJESZTERCZEBÁNYAI ORSZÁ<.'GYŰLÉS vivisse, nilque praetermisisse, quod ad bonuin et fidelem Servitorem, Locumtenentemque pertinuerit. Quibus ex causis Maiestas sua, uti Justus et gratus princeps, illius fidelitatis et servitiorum non immemor, Generosam et Magnificam Dominam Magdalenam vi du am ac liberos ipsius condam Comitis Alexii Thurzonis, una cum bonis et juribus eorum justis, in protectionem et tutelam suam recipit specialem, et in huiusmodi bonis et juribus ipsorum ac legibus, libertatibusque regni sui Hungáriáé, contra illegitimos impetitores defendet. Modum quoque et viam sua Maiestas regia adhibere curabit, ut de creditig ipsius quondam Alexii Thurzonis, quae illi tum ratione salarii sui, tum alio nomine juste debet, ipsa Domina Vidua et liberi eius cum tempore contententur. Curabit etiam Maiestas sua Regit«, Castris illis et arcibus ipsius Dominae Vidua ei quae sunt versus hostes veluti propugnaculum, propediem ita providere, ut arces eiusdem tute permanebunt, quas etiam postea , si necessitas ita postulaverit , absque praesidio non relinquet. De dimittendo Domino Petro Pereny Maiestas sua clementer cogitabit, posteaquam mentem et voluntatem illius medio Comitis Nicolai a Salm et Francisci Batthiani, quos ipse ad colloquium ad se per suam Maiestatem mitti optavit, intellexerit, habebitque sua Maiestas graciosam rationem supplieationis ipsorum fidelium suorum et omnium regni sui Hungáriáé Statuum. Mandavit Sua Maiestas per litteras Stephano Lossonczy Comiti Comitatus Neogradiensis, ut Nobilibus et aliis, sive per eum, sive per officiales ipsius, iniuria et damno affectis, iustitiam et satisfactionem omnimodam faciat et administret ; quod si id non fecerit, Dominus Locumtenens Maiestatis suae, jussu eiusdem, inter Nobiles damnificatos et ipsum Lossonczy ius et satisfactionem decernet. Vult Maiestas sua regia, ut Melchior Balassa in honoribus Comitatuum Honthensis et Barsiensis juramentum more consueto ex nunc praestare debeat, super officiis eisdem fideliter, juste et recte gerendis, et super administratione justitiae sine favore, aut aliis affectibus, omnibus debita ; qui si id iussu Maiestatis suae non fecerit, eum in huiusmodi officiis non pa-
