Fraknói Vilmos (szerk.): Monumenta Hungariae Historica 3. Monumenta Comitialia regni Hungariae 2. 1537—1545 (Bp., 1875)

IX. A POZSONYI ÉS BESZTERCZEBÁNYAI ORSZÁGGYŰLÉSEK.1541. Márczius- és 1542. Februáriusban.

348 POZSONYI ÉS BESZTERTÍZEBÁNYAL ORSZÁGGYŰLÉSEK. I que post mortem domine quondam relicte spectabilis et magnifLci domini Stephani de Bathor, eiusque filie, per Maiestatem vestram et suos fideles nonnullos sub certis jnscriptionibus possessa sunt, et possidentur: dignetur similiter Maiestas vestra benigne bona huiusmodj, arces et possessiones, prouentusque alios, prefato domino Andree libere jubere remitti quamprimum, vt et ipse alacrius seruitijs vestre Maiestatis assidue jneumbere, et ceteri illius exemplo et hac vestre Maiestatis munificentia ac liberalitate illecti, ad fidelitatem se vestre Q Maiestatis conferre minimé cunctentur; quod si, vt speramus, Maiestas vestra restitucionein huiusmodj bonorum ipsa primitus re perficere inceperit, que sane caput et princeps noster ac regni est, nulla erit causa, quamobrem constitucionem factam omnes ex omnibus ordínibus ac statibus, vei saltem exemplo vestre Maiestatis adducti, ultra constitutum terminum, producere, vei executioni mandare cunctentur. Dignetur preterea, ob hanc causam precipue, Maiestas vestra serenissimam dorninam Mariam reginam admonere, vti arces Lypche, Wygles et Dobranywa, que ad subditos vestre Maiestatis jure spectant, qui partim iam inde ab jnitio in fide semper eiusdem perstiterunt, partim se nunc ad eam contulerunt, ipsa quoque primo quoque tempore remitti iubeat, ne vlla cuiquam causa, vei occasio tanti, tamque communis boni diutius differendi prebeatur. Reliquis de rebus, tum que in hoc conuentu concluse sunt, tum quas alioqui hoc tempore Maiestatem vestram a nobis scire oportere censuimus, pluribus verbis coram hic cum magnificis dominis oratoribus vestre Maiestatis collocuti sumus, et per eosdem, simul et per magnificum dominum Christophorum de Batthyan magistrum pincernarum vestre Maiestatis, ad omnes propositiones vestre Maiestatis tum per ipsos oratores, tum in scriptis nobis clementer factas, abunde respondimus, quam quidem responsionem nostram simul et constitutiones per nos hic factas, supplicamus Maiestati vestre, dignetur aequi bonique consulere, et tum verbis prefati domini Christophori fidem adhibere, tum peticionibus nostris, que ab eodem Maiestati vestre coram exponentur, pro benignitate sua, clementer respondere, jd quod ab eadem perpetuis seruicijs nostris emereri contendemus. Quam deus optimus maximus