Fraknói Vilmos (szerk.): Monumenta Hungariae Historica 3. Monumenta Comitialia regni Hungariae 1. 1526—1536 (Bp., 1874)
XIV. FERDINÁND KIRÁLY POZSONYI ORSZÁGGYŰLÉSE. 1532. Apríl 2.
1532. A pril '2. 455 Vestras Dominationes facimus certiorein, si Thurcarum exereitns ante Maiestatis suae exercitum in hoc Regno praeuenerit, Hungari omnes volentes nolentes in illorum concedent potestatem, nec habebit Maiestas sua, cur de fide cuiusque nostrum erga se queri possit; quamuis et alioquin, si Thurcus non veniat, fieri 11011 possit, ut hoc Regnum tantam calamitatem, et omnes miseriarum acerbitates, quae vel ab hostibus domesticis, vel a Maiestatis suae stipendiariis et seruitoribus perfert,diutius queat tollerare. Nam intra annum hoc pacto consumptis omnium facultatibus ad extremam redigentur vastitatem. Supersunt in maiiibus Regiae Maiestatis ex omnibus Regni propugnaculis duo praecipua: arx Themesiensis et Cibinium Transsyluaniae ciuitas, quae si ammittentur, Hungaria tota usque Rusciam, et Transsyluania item tota sic ammittentur, ut per Maiestatem Regiam, aut alios etiam Principes vix nostro saeculo recuperari poterint. Quonammodo autem seruari possent, assiduis et literis et Nunciis Maiestati Regiae exposuimus. Nostrae tarnen preces et consilia hac in re nondum sunt admissa. Arx autem et Ciuitas, quas diximus, nisi praesentanea ope succurrat Maiestas Regia, peribunt indubitanter. Dominaciones vestras rogamus, velint has et alias necessitates, quibus hoc Regnum laborat, ita Maiestati Regiae, Domino nostro clementissimo exponere, ut iam tandem liberacionem huius Regni, ex quo vicinorum quoque Regnorum et Prouintiarum suaruin vel salus vel periculum expectandum est, totis viribus aggrediatur. Alioquin, si cunctabitur, certissimum habeat, se Hungaria et Hungaris omnibus carituram. Id autem quanto non solum suae, sed et Cesareae Maiestatis famae et rerum detrimento eueniet, omnis et senciet et narrabit posteritas. (Egykorú másolata a bécsi cs. és k. titkos levéltárban.)
