Fraknói Vilmos (szerk.): Monumenta Hungariae Historica 3. Monumenta Comitialia regni Hungariae 1. 1526—1536 (Bp., 1874)

XIII. A BÉLAVÁRI, VESZPRÉMI, SZÉKESFEHÉRVÁRI, ZÁKÁNYI, KENESEI ÉS BERENHIDAI GYŰLÉSEK. 1531. és 1532-ben.

- . • r 426 A BERENHIDAI GYŰLÉS. 1532. XXVII. / 1532. Február 17. VII. Kelemen pápának a berenhidai gyűléshez intézett levele. Statibus Ungarie. Venerabiles fratres ac dilecti filii salutem. Cum nuper ad nos esset allatum de conuentu uniuersali per vos in Calendis Januarii proxime preterito indicto, et si causas ipsius indictionis ignorabamus, tarnen quecunque ille essent, cum nonnisi vestra virtute et religione dignas fore iudicaremus, Nos pro nostra singulari caritate, qua istud regnum, nostrorum predecessorum exemplo, semper sumus prosecuti, non dubitauimus conuenire nostro officio et in vos beneuolentie, mittere ad vos proprium hominem nostrüm, et vobis quacunque in re possemus coadiuuandis, et a Cristiane fidei hostibus tuendis, nostra et auctoritas et voluntas presto esset; ac quemadmodum incolumi isti regno quibus potuimus auxiliis opitulati sumus, ita ei afflieto et perturbato, si quam salutis viam deus aperiret, omni ope nostra non deessemus. Qua quidem re ita per nos decreta, cum optauissemus aliquem a nostro latere ad vos mittere, temporis breuitas et vie longitudo nobis impedimento in hoc fuisset: scripseramus venerabili fratri Vincentio Archiepiscopo Rossanensi, nostro apud Serenissimum Regem vestrum, Regem Romanorum nuntio, vobis vicinitate proximo, ut sine mora ad vestrum conuentum se transferret. Cum autem postea audierimus diem vos ad conueniendum prorogasse, et in festum Beati Gregorii transtulisse, nos hoc spatio nobis dato, id quod ab initio decreueramus facere, ut hinc a nobis hominem proprium ad vos mitteremus, elegimus dilectum filium Antonium de Hispello Sedis Apostolice prothonotarium, nostrumque et felicis recordacionis Leonis pápe X. predecessoris nostri Camerarium, Exhibitorem presentium, virum nobis prudentia, fide, et virtute sua carissimum, Eumque de presenti sollicitudine et beneuolentia erga vos plene et copiose instructum, nostrum et Sedis Apostolice nuntium destinauimus ; cui mandamus, ut nostro et huius