Nagy Imre: Sopron vármegye története. Oklevéltár második kötet (Sopron, 1891)

ac iurium possessionariorurn spectantibus et pertinere debentibus pro iure quartalicio memorate nobilis domine Margaretha vocate filie ipsorum, consorti scilicet eiusdem Nicolai et per consequens eidem Nicolao, ac pro expensis et sumtibus eiusdem Nicolai, ut prefertur, super ipsis et celebracionibus nupciarum et sponsalium predicte domine Margarethe filie eorum expositarum, usque vitam ipsorum dumtaxat dedissent, donassent, tradidissent et contulissent, imo dederunt, donaverunt, tradiderunt et contulerunt coram nobis ; e converso vero idem Nicolaus promisisset et assumsisset, quod si volente deo iura sua possessionaria in districtu Themeskez existencia, nunc per crucis Christi inimicos turcarum gentes occupata et desolata manibus suis et sub suo vero dominio devenire poterunt, extunc prefatam quartam partem pretactorum universorum iurium possessionariorurn, in porcionem quartaliciorum puellarium modo premisso per eosdem Georgium et dominam consortem eiusdem ipsis datarum et limitatarum, pacifice et quiete ipsis Georgio de Vicza et domine Veronice consorti eiusdem, ac suis prolibus et heredibus remitterent et resignarent in perpetuum utendas, tenendas pariter et habendas ; hoc eciam non pretermisso, quod sive ipso Nicolao ante ipsam dominam Margaretham consortem suam, aut ipsa domina Margaretha ante eundem Nicolaum dominum et maritum suum ab hac luce decederent, extunc mox et in continenti premissa quarta puellaris et ius quartalicium, ut prefertur, ipsis extradate in ipsos Georgium de Vicza, et dominam consortem memoratam, soboles et heredes ipsorum pure et simpliciter absque strepitu iudiciario qualicunque condescendi, derivari et devolvi debeat et teneatur; assummendo eciam idem Georgius de Vicza et domina consors sua eosdem Nicolaum dictum Hymfy et dominam Margaretham consortem eiusdem, filiam scilicet ipsorum medio tempore contra quosvis impetitores intra et extra iudicium in dominio dictorum iurium quartaliciorum ipsis datorum suis propriis laboribus et expensis conservare, tueri et defensare. In cuius rei memóriám firmitatemque perpetuam presentes literas nostras privilegiales pendentis sigillis nostri munimine roboratas eisdem duxi-