Nagy Imre: Sopron vármegye története. Oklevéltár második kötet (Sopron, 1891)

attractos super facto castrorum Owar, Sarfnyk et Wereskew ac pertinenciarum eorumdem, per vos adiudicata extitisset et eadem quadragesimo sexto die octavarum festi beati Jacobi apostoli similiter proxime preteritarum iuxta continenciam literarum vestrarum adiudicatoriarum ac aliarum literarum vestrarum composicionalium prorogatoriarum pariter et obligatoriarum per pugiles eorum determinari debuissent, ipso tandem termino et die diete dimicacionis adveniente, ipsi cum eorum pugile, prout inter ipsos per vos commissum et adiudicatum fuisset, in area certaminis loco scilicet ad hoc apto pro exercenda et determinanda dieta duellari dimicacione promti fuissent et parati ; sed prefatus Georgius Groff et filii sui predicti ad prescriptos diem et locum, illac non venissent neque misissent, sed se in penis et obligaminibus in dictis literis vestris prescriptis convinci permisissent. Vos vero literas vestras sentencionales et statutorias, talibus in processibus pro execucione iurium ipsorum emanari debentes, pro eorum parte dare recusassetis, quod ipsis in grande derogamen iuris eorum et preiudicium cederei non modicum. Suplicatum itaque extitit nobis per prefatos Elderboh et Nicolaum, ut ipsis de remedio opportuno providere dignaremur. Unde cum nos neminem coregnicolarum nostrorum, suis iustis iuribus privari indebile et destituì volumus, precipue vero in his, qui per formam iuris recuperantur, igitur vobis committimus per presentes quatenus habita presencium noticia rebusque premisso modo stantibus, non obstantibus quibuscunque illegitimis occasionibus et subterfugiorum cautelis, literas vestras sentencionales prout ordo iuris et regni predicti consvetudo expostulat, memorato Pertholdo Elderboh et Nicolao ad execucionem cause ipsorum dare et emanari facere debeatis, ne ipsi querulantes nobis propterea cogantur per amplius querulare, aliud non facturi, presentibus perlectis manibusque exhibencium restitutis. Datum Posonii, in festo beati Demetrii martyris, anno domini Millesimo quadringentesimo quinquagesimo. Quibus quidem literis presentatis iidem procurator antedictorum egregiorum Nicolai de Zeech et Pertholdi Elderboh de Monyarokerek premissas literas nostras senten-