Nagy Imre: Sopron vármegye története. Oklevéltár második kötet (Sopron, 1891)
dictas octavas festi beati Michaelis archangeli loquencium in causa existere declarando, volens prescriptam possessionem Rusth alio nomine Chyl totalem iuri prefate domine Dorothee et per consequens dictorum Nicolai et Johannis filiorum eiusdem, de iure pertinere debere declarare, quasdam quatuor literas, tres prefati capituli Jauriensis, ac quartam prefati domini regis, omnino patenter, nostro iudiciario examini presentavit ; quarum prima prefati capituli Jauriensis sabbato proximo ante dominicam Ramispalmarum, anno domini M° trecentesimo nonagesimo quarto emanata declarabat, quod magister Johannes filius Hedreh de Hedrehwara coram dicto capitulo personaliter constitutus, totalem porcionem suam possessionariam in dieta possessione Chyl vocata prope lacum Fertew in comitatu Soproniensi existenti habitam, ut puta rectam et equalem medietatem eiusdem possessionis cum omnibus suis utilitatibus et pertinenciis pro ducentis florenis auri puri, magistris Johanni et Detrico filiis Ladislai filii Michaelis de Chorna, usque tempus redemcionis eiusdem possidendam confessus fuisset pignori obligasse sub expeditoria caucione aliisque condicionibus literis in eisdem declaratis. Altera vero earumdem similiter eiusdem capituli Jauriensis sexto die diei dominice proxime ante festum beate Elene regine, anno in eodem exorta manifestabat, quod regius et dicti capituli homines, literis in eisdem nominati, et ad regium literatorium edictum transmissi, in dicto die dominico ad faciem diete medietatis annotate possessionis Chyl legitimis vicinorum et commetaneorum convocacionibus factis, introduxissent prefatos Johannem et Detricum nec non Georgium et Stephanum fratres eiusdem in domínium eiusdem, statuissentque eandem eisdem premisso titulo pignoris possidendam, nemine contradictore apparente. Tercia siquidem modo simili memorati capituli Jauriensis in festo beatorum Simonis et Jude apostolorum, anno domini M° quadringentesimo septimo edita exprimebat, quod honorabilis vir dominus Stephanus prepositus ecclesie beati Thome martyris de promontorio Strigoniensi, et canonicus diete ecclesie Jauriensis, corani eodem capitulo Jauriensi constitutus, fuisset confessus, quod quia ipse nobilem puellam
