Nagy Imre: Sopron vármegye története. Oklevéltár első kötet 1156-1411 (Sopron, 1889)
de Kaporbyan regium et magistrum Michaelem socium concanonicum dicti capituli Castriferrei homines, prefatum Nykul de Frathno feria quinta proxima post festum Exaltacionis sancte crucis proxime preteritum, in possessione sua Kury vocata, ad premissa contra prefatos Petrum et Ladislaum filios Laurencii de Athyna, ad dictas octavas sancti Michaelis regiam in presenciam evocatum fuisse, comperieramus manifeste ; ad quas quidem octavas prefatus Nykul de Frathno, per annotatum procuratorem dictorum Petri et Ladislai legitimis diebus octavarum earumdem coram nobis expectatus nostram in presenciam non venerat nec miserat, se mediantibus literis nostris iudicialibus in, iudiciis convinci permittendo, postulans prefatus procurator dictorum filiorum Laurencii eisdem ex parte dicti Nykul per nos iuris equitatem impertiri in premissis. Unde quia forma iuris et consvetudo regni prefatum Nykul, super premissis peremtorie responsurum ac de dictis iudiciis seu birsagiis satisfacturum, ac eciam iudicia, in quibus propter suam non venienciam fuisset aggravatus, persoluturum, vice terciaria evocandum fore dictarat, pro eo amiciciam prefati capituli Castriferrei literatorie pecieramus diligenter, quatenus ipsorum mitterent hominem pro testimonio fidedignum, quo présente homo regius, infradeclarandus, prefatum Nykul super premissis potenciariis actibus peremtorie responsurum racionemque efficacem redditurum, ac de dictis iudiciis seu birsagiis, in quibus iuxta nostram deliberativam sentenciam fuisset convictus, satisfaccionem impensurum, nec non de dictis aliis iudiciis, quibus propter suam non venienciam esset oneratus, in toto duodecim marcas facientibus nobis et parti adverse satisfacturum, contra prefatos Petrum et Ladislaum filios Laurencii de Athyna, ad octavas Epiphaniarum domini tunc venturas evocaret regiam in presenciam, et post hec ipsius evocacionis seriem cum nomine evocati ad easdem octavas domino nostro regi fideliter rescriberet capitulum ecclesie Castriferrei supradictum. Tandem ipsis octavis instantibus prefatus Petrus sartor pro dictis filiis Laurencii de Athyna, cum procuratoriis literis regalibus ad nostram veniendo presenciam, literas prefati capituli Castriferrei super premissa
