Sümeghy Dezső: Sopron vármegye levéltárának Oklevél-gyűjteménye. I. rész: középkori oklevelek 1236-1526 (Sopron, 1928)
communitarum de ipso Ladislao rege loquencium in novitate cere et sigillari impressione eiusdem sigilli nobis ac ipsis nostris delegatis iudicibus iuratisque assessoribus eiusdem congregacionis nostre, imo cunctis intuentibus palam et expresse apparente, cum nos discussionem premissorum in eadem congregacione nostra ad alterum diem distulissemus ipsasque litteras utrarumque parcium sub impressione sigillorum dictorum iudicum nostrorum in ipso altero die iudiciario examini reexhibendas memorato magistro Johanni, filio Peteuch, ad conservandum assignassemus tandemque ipso die crastinante simul cum dictis iudicibus nostris deputatis iuratisque assessoribus et universis nobilibus prémisse congregacionis nostre ad diffinitivam sentenciam in causa memorata preferendam iudiciario pro tribunali sedissemus ipsasque litteras parcium predictarum per eundem magistrum Johannem iudiciario examini mandassemus presentari, iidem magister Johannes personaliter exsurgens, animo vehementi perterritus tam predictas litteras ipsius domini Ladizlai régis privilegiales omni integritate et vigore iusticie pollentes in facto prémisse possessionís Kanizka per eundem Lachou exhibitas, quam ipsas litteras similiter de ipso Ladislao rege loquentes falsa et iniqua suggestione emanatas per ipsum Ladislaum, filium Mychaelis (in) sua uxorisque et fratrum suorum predictorum personis exhibitas per eundem Ladislaum, filium Mychaelis in hospicio suo, in civitate nostra Grecensi habito, fraudulenter verbo suo petitas et receptas ac clandestine asportatas fore indicavit, ubi idem Ladislaus, filius Mychaelis in sue culpabilitatis indicium in eadem congregacione nostra sepe et sepius publiée promulgatus iuri parère non curavit, imo iuxta ipsius magistri Johannis verba prolata a facie iuris et iusticie cum omnibus premissis litteralibus munimentis, suis videlicet falsis et falsa suggestione emanatis ac dicti Lachou veris et iusto colore per omnia, sicut conspeximus, emanatis in alterutrum exhibitis, se fugitive absentavit. Quibus omnibus per ipsum Ladislaum, filium Mychaelis, sic perpetratis et excessis, cum nos eosdem iudices nostros delegatos iuratosque assessores et universos nobiles ipsius congregacionis nostre super sentenciaria diffinicione prémisse geste rei iuxta fidei et fidelitatis ipsorum constanciam habuissemus requisitos, iidem nostri iudices iuratique assessores et universitas nobilium antedicta prefatum Ladislaum filium Mychaelis, simul cum dictis consorte ac Bazarad et Briccio uterinis, necnon Johanne et Blasio, filiis Valterii de Planicha, patruelibus
