Sümeghy Dezső: Sopron vármegye levéltárának Oklevél-gyűjteménye. I. rész: középkori oklevelek 1236-1526 (Sopron, 1928)
Nos capitulum ecclesic Jauriensís memoric commendamus, quod Ladislaus filius Michaelis de Damanya pro se et pro Nicolao fratre suo, cuius gravamen in presenti causa in toto super se assumsit, ad nostram veniendo presenciam extitit confessus oraculo vive vocis, quod cum secundum continenciam priorum literarum nostrarum compositoriarum et oblígatoriarum pro morte annotati Michaelis patris ipsorum, Stephanus filius Terestyen et Blasius filius Nicolai nobiles de Saag, nec non Stephanus filius Pétri nobilis de Zopor quadraginta septem marcas denariorum, marcam quamlibet cum decem pensis cornputando, in tribus terminis, videlicet in octavis festi Omnium Sanctorum (1382. nov. 8) sedecim marcas, in octavis diei Cinerum (1383. febr. 11) similiter sedecim marcas et in octavis festi Penthecostes proxime nunc consequenter preteritis (1383. május 17) quindecim marcas denariorum salvis none et décime partibus coram nobis dare et solvere debuissent, tandem ipsis terminis solucionum occurrentibus supradicti Stephanus filius Terestyen, Blasius filius Nicolai et Stephanus filius Pétri, prout debuissent, predictas quadraginta septem marcas denariorum debito modo persolvissent, imo persolverunt coram nobis ; super quibus solucionibus rerum annotatus Ladislaus filius Michaelis sua, ac pretitulati Nicolai nec non Egidii fratrum suorum, quorum omnium, ut premissum est, gravamina in toto super se assumsit in hac parte, super facto mortis pretitulati Michaelis patris ipsorum supradictos nobiles, videlicet Stephanum filium Terestyén, Blasium filium Nicolai et Stephanum filium Pétri ac filios, fratres et quoslibet proximos ipsorum expeditos reddidit et absolutos coram nobis, tali vinculo moderaminis interposito, quod quandocunque iidem filii Michaelis videlicet Ladislaus, Nicolaus et Egidius, aut proximi ipsorum racione mortis annotati Michaelis pretitulatos nobiles aut heredes ipsorum in litigionali processu perturbarent, extunc ab huiusmodi perturbatoribus supradictus Ladislaus filius Michaelis expedire teneretur propriis suis laboribus et expensis, prout ad hec se idem Ladislaus sponte obligavit nostri in presencia. Datum secundo die festi Sancte Trinitatis, anno Domini millesimo CCC° LXXX 0 tercio. Jegyzet: Ezt az oklevelet Nagy Imre közzé tette a Sopronmegyei oklevéltárban (I, k. 463. 1.) ; eredetije — állítólag — a Zeke családnak levéltárunkban őrzött iratai között volna, de annak nyomát a jelzett iratok lajstromában nem találtam. Az eredeti jelzését Nagy I. sem említi.
