Géresi Kálmán: A nagy-károlyi gróf Károlyi-család oklevéltára harmadik kötet (Budapest, 1885)
magistri Stephani exponentis ab infectis et pruriginatis equis annotati Andrée Báthory omnino scabiosi et infecti fuissent ; et insuper tempore emissionis et eliberacionis eorumdem equorum equacialium dicti exponentis, super pastorem et custodem equorum unum florenum pactative extorsissent ; in quibus premissis demptis actibus potenciariis prefato magistro Stephano Karoly plus quam quingentorum florenorum auri dampna intulissent, potencia mediante ; ceterum circa festum Purificacionis beatissime virginis Marie in anno cuius iam annualis instaret revolucio, prescripti nobiles ex speciali commissione et mandate prelibati Andrée de Bathor dominorum scilicet suorum (így), assumptis secum preallegatis populis et iobagionibus prenominati Andrée Báthory, ad iamdictum territórium antefate possessionis Bobald, abindeque iterum equos equaciales eiusdem magistri Stephani exponentis in iamdictum ortum seu stacionem equorum abigendo et impellendo, ibique cum suis equis equacialibus infectis morbidisque tamdiu quousque ipsorum placuisset voluntati, tenuissent et conservassent ; in quibus premissis salvis actibus potenciariis, prefato magistro Stephano exponenti plus quam centum florenorum auri dampna intulissent, potencia mediante ; demum circa festum beati Michaelis archangeli proxime transactum, prelibatus Ladislaus Bornemyza ex speciali commissione et mandato prenominati Andrée Báthory domini utputa sui, assumptis secum nonnullis familiaribus et complicibus suis, armatis et potenciariis manibus ad possessionem Wada nominatam, consequenterque porcionem possessionariam prenotati Mathie Cheh exponentis in eadem possessione Wada in comitatu Zathmariensi predicto existenti habitam, abindeque de ortu cuiusdam providi Michaelis Was vocati iobagionis sui unum acervum nonale eiusdem Mathie Cheh violenter abduci et asportari, et quo sue placuisset voluntati fecisset; his minime contentes, idem Ladislaus Bornemyza in dicta possessione Kalmand officiolatu scilicet suo, super providum Laurencium Kanthor iobagionem eiusdem Mathie Cheh exponentis in prescripto oppido Karol commorantem, tunc pro expediendis quibusdam propriis suis negociis in possessione Kalmand predicta constitutum et per prefatum Ladislaum Bornemyza repertum, quatuor florenos pactative
