Géresi Kálmán: A nagy-károlyi gróf Károlyi-család oklevéltára második kötet (Budapest, 1883)

literalia eorum instrumenta factum porcionis ipsorum possessionarie Malomfeulde vocate intra metas et territoria predicte possessionis Kertwelesd habite in comitatu Posoniensi situate concernencia, que ipsi uterque Michael et Nicolaus in civitate eadem pro tuciori conservacione reposuissent, ab eisdem deperdita forent et alienata, propter quod ydem uterque Michael et Nicolaus temporum in processu in iuribus (ipsorum) possessionarys (ipsis) periculum imminere et evenire posse formidarent ; supplicarunt itaque hys expositis ipsi Michael et Nicolaus suorum (necnon) Michaelis fratris ipsorum nominibus atque personis maiestati nostre humiliter et devote, ut ipsis superinde de remedio providere dignaremur opportuno ; unde nos qui cunctorum fidelium subditorum nostrorum huiusmodi casus infortuitos et eventus nocivos debite reformacionis beneficio per remedia opportuna consvevimus restaurare, tum premisso adverso casu et eventu nocivo considerato, tum eciam attentis et consideratis fidelitatibus et fidelium serviciorum mentis annotatorum Michaelis et Nicolai per ipsos maiestati nostre adversus pretactos heréticos huzitas in regno nostro Bohemie predicto et marchionatu Moravie a non paucis retroactorum annorum spacys pululantes et nonnulla fortalicia ac loca in dicto regno nostro Hungarie circa eius confinia temerarie usurpantes et tenentes, in familiaritate et comitiva nonnullorum nostrorum fidelium iuxta possibilitatis eorum exigenciam exhibitis et impensis, totum et omne ius nostrum regium quod in porcione possessionaria prenotata Malomfeulde vocata intra metas et territoria pretacte possessionis Kerthwelesd appellate in dicto comitatu Posoniensi situate ut premittitur habita, in cuius dominio pacifico prelibati uterque Michael et Nicolaus suos progenitores perstitisse se ipsosque persistere asserunt eciam de presenti, qualitercunque haberemus et nostram quibuscunque causis modis et racionibus concerneret maiestatem, simulcum universis et singulis suis utilitatibus et pertinencys quibuslibet, terris utputa arabilibus cultis et incultis, agris pratis silvis nemoribus montibus vallibus vineis et vinearum promontorys, aquis aquarumque decursibus et generaliter quarumlibet utilitatum et pertinenciarum integritatibus quovis nominis vocabulo vocitatis, ad huiusmodi ius nostrum regium et porcionem possessiona-