Notitia hungáriae novae historico geographica (Budapest, 2012)

Zala vármegye

SECT. I. DE OPPIDIS PENINSULAE MURAKÖZ. CSÁKTORNYA

489

Exemplumque illis quod moriamur, erit.

Nec vos degeneres virtutum oblita tenere,

Pectora, vel media morte probare precor.

Si qua superfuerit genti iam, iamque ruenti Posteritas, nostrum stabit in orbe decus.

Caetera1 fortunae instabilis, non nostra putemus, Virtutem retine, desit ut illa tamen.

Nec mors, o, socii! Totam mihi credite vitam Eripiet,2 melior pars super huius erit. [p. 112.]

Angelicis animam dextris ad sydera duci,

Vox tua mentiri nescia, Christe, probat.

Hinc iterum rediviva venit volventibus annis, Corporaque haec stabunt, tunc revocata solo.

Quare agite, o, socii! Nec nunc moriamur inulti, Caetera prospiciat pro pietate Deus.

Talibus extimulo3 flagrantia pectora, bello Omnibus idem animus nil dubitare mori.

Tunc genibus Christum flexis oramus Iesum,

Ut caesorum animas aggreget4 ipse sinu.

Oscula quin etiam socii, dextrasque vicissim Orantes veniam, voce, fideque dabant.

Scilicet insidias, occultaque damna paramus Moenibus egressique obvia tela damus.

Barbarus irruerat praedam laniare paratus,

Non secus ac catulis orba Leaena suis.

Consertaque manu petimus, petimurque vicissim, Sed numero pauci (proh dolor) obruimur.

Deficimus tandem, medioque in milite septi Corruimus, plures at periere Getae.

Hic finis virtutis erat per proelia dextrae, Occidimus, nobis exitus iste fuit.

Ipse ego suscepto iam vulnere saucius, ante Vix aegre spirans, captus ab hoste trahor.

Nec mora anhelanti, nec enim mihi vita stetisset, Tollitur annosum vulnifico ense caput.

Dulcibus atque humeris procul hoc avellitur, eheu, Truncus in hac, illa stat regione caput.

Nec tamen illa mihi turbabit gaudia deinceps Conditio, Christi quae sacra regna dabunt.

Tempus erit siquidem, Christo testante, requiret Cum Deus ex variis ossa sepulta plagis, [p. 113.]

1 Forgách 1587. I3r coetera 2 corr. ex erripiet 3 sic et in Forgách 1587. 1. c. 4 corr. ex. agreget sec. Forgách 1587.1. c.