Notitia hungáriae novae historico geographica (Budapest, 2012)
Sopron vármegye
196 COMITATUS SOPRONIENSIS PARS SPECIALIS non curis et expensis pepercit, non facultatum, et bonorum suorum iacturam, non vitae discrimen curavit, verum omnimode sese maioribus nostris desideratissimis, totique prae- titulatae augustissimae domui nostrae, ac nobis, et regno gratam, et acceptam exhibuit, quemadmodum in praesentiarum quoque quicquid viribus et facultate assequi potest, nullis laboribus, fatigiis, et expensis pro bono et servitio nostro, dictaeque dulcissimae suae patriae, ac sacrae coronae parcendo, vel et imposterum etiam pari fidelitatis constantia; animique magnitudine, et fervore similia virtutis et fidelitatis servitia sese exhibituram et impensuram pollicetur, nam quod maiores et progenitores iam fatae familiae attinet, eosdem statim ab initio ingressus bellicosae gentis Hungaricae, strenuos fidelesque semper regibus, ac dominis suis clementissimis fuisse, exstantes penes eandem familiam litterae Serenissi[117v]mi quondam Andreae secundi regis Hungáriáé privilegiales Matthiae olim Esterhazy aulico et cognato suo in anno Domini millesimo, ducentesimo vigesimo quinto, iam dudum transacto elargitae, luculenter demonstrant, ex quibus manifeste pateret et id, quod pater antelati quondam1 Matthiae Esterházy nobilis utpote vir Emericus similiter Esterház ad urbem Damiatam, dum illic in obsidione eiusdem praelibatus rex moraretur, in praesentia ipsius regis, strenuum et constantem militem se contra Saracenos in anno millesimo ducentesimo decimo octavo exhibens, eo tum gloriose occubuerit, magnamque per hoc posteris suis laudem reliquit. Hic igitur quondam Emericus filius olim Demetrii, fratris uterini Joannis quondam Esterhás, nepos autem olim Ludovici, cuius pater Georgius, quondam aeque Esterhaz generalis bellicus serenissimi Belae regis Hungáriáé fuisse dignoscuntur. Qui Georgius habuit fratrem olim Franciscum, patrem scilicet quondam Paulli Ordinis sancti Benedicti Abbatis in monte Sanctae Mariae Mainhart, et Lasii, praetactus vero quondam Georgius filius fuit Stephani fratris Matthiae, et Sigismundi olim Esterhas,2 debitam suam erga regem et dominum suum fidelitatem, ac devotionem morte ipsa contestantis, Stephanus porro genitus ex Ladislao filio Andreae fratris olim Francisci, et Christinae religiosae, Michael autem, quondam parens Andreae, vir fortissimus bellique dux extitit sub divo Ladislao rege Hungáriáé, cui ob praeclara facinora gentilitia insignia, aureus nempe gryphus corona redimitus, dextroque pedum evaginatam frameam tenens, ab eodem rege collata fuere. Cuius genitor quondam Ludovicus, dum Belgradium per regem Hungáriáé Salamonem occuparetur, in ipso ad castri muros assultu, intrepide vitam cum morte commutavit in anno Domini millesimo septuagesimo, cuius parens Esterhas filius Eursi magni Hunnorum ducis, sub Geysa primo duce Christiano, patre nimirum Stephani piissimi, ac primi regis Hungáriáé coronati, christianus factus, anno nongentesimo sexagesimo sexto in baptismo nomen Paulli sibi assumens, cognomen Esterhazium in posteros transfudit, derivavitque ac dilatavit, probans generationem suam ad Attiliam usque, unde et antiquitas et illustris eiusdem familiae Esterhaz prosapia evidenter pateret, sed et ex post Petrus quondam Esterhaz, filius suprafati quondam Matthiae, sub Andrea tertio rege Hungáriáé, varias de hostibus reportans victorias, tandem in anno millesimo, ducentesimo nonagesimo in praelio gloriose occubuit, cuius frater Joan[117x] nes Ordinis Praedicatorum Prior Budae exstitit, porro Emericus Petri frater, filius vero Matthiae, etiam genuit filium Petrum, qui Benedictum et Thomam, Benedicti vero 1 Hic verba Andreae secundi regis Hungáriáé privilegiales erronee a copista iterum descripta a nobis dei. 2 Hic vocabulum qui (sic et in Trophaeum 1700. III. f. Cc2') tamquam supervacaneum a nobis del. sec. copiam Libr. Reg. p. 731.
