Notitia hungáriae novae historico geographica (Budapest, 2012)

Sopron vármegye

MEMB. I. DE LIBERIS REGIISQUE URBIB. DE SEMPRONIO

139

ac intermixtis, secus haud indubie subsecuturi extremi, et civium, et totius urbis excidii, minis, aeque constanter repudiatis et omnino spretis; quin et tanto magis viriliter oppositis ipsorum- met civium et inhabitatorum, nostra cum praesidiaria eiusdem loci militia, coniunctis animis, corporibus, armis; sicque simul habitis, non minus periculosis ac fatigiosis, quam praesertim hiemali tempore, sat fastidiosis continuis excubiis, et quibusuis resistentiis, adhibitis semper, cum ingenti sanguinis et aeris sui profusione, tectorumque, et integrorum, tam publicorum, quam privatorum aedificiorum exantlata ruina, diversisqueperpessis aliis calamitatibus ac aerumnis, praestitam plane heroicam defensionem, quam obsequentissime praestitorum Caesareo Regiae Maiestati Nostrae gratorum pariter, ac contiguae provinciae nostrae Austriacae proficuorum servitiorum merita, penitus considerantes: voluimus eandem nobis charam Liberam Regiam Civitatem Soproniensem, eiusdemqueprimores, cives et incolas omnes et singulos, quadam speciali remuneratoria Caesareo Regia gratia complecti: Quare, ea tenus praehabitis etc. Ista tunc grati animi, testificatio fuit, qua Iosephus, et prolixe, et benigne Sempronienses fuit prosequutus. Et habuere sane cives, quod, sive in publicis moeniorum, sive in privatis aedium suarum, ruinis, toto postea lustro instaurarent. Itaque, difficulter convaluit urbs tam fida, et propositi tenax: quippe, quod tempora successerunt, oppido calamitosa, neque redintegrandae urbis fortunae, satis commoda, [p. 50] Praeterquam enim, quod neque agrorum, neque vinearum ea consequuta est fertilitas, ut exhausti fractique cives, convalescere potuissent denuo: profecto, nunc pestilenti contagione,s,) nunc vine- torum'-) cladibus, adflicti sunt adeo, ut in annos singulos, magis magisque adtenuari eos haud sine dolore, accipiamus. Anno tamen MDCCX. duro eo atque inclementi, porticus in moenibus facta est, quae peditem, in occiduam1 II suburbiorum partem, opportune iam transmittit, prope ad turrim, quae olim viridis fuit dicta, hodie autem bractea nitet. Ponticulum exitus hic primitus habuit sublicium, fossae, quae urbem incingit, hoc loco altiori, impositum, qui lapideus nunc est, anno MDCCXXVIII. sicuti epigraphe habet, fornicibus solidioribus instructus.' His casibus exercitum Sempronium, ad nostra usque tempora perduravit.

res civium, post hoc bellum, difficiles:

s * Pestilentia enim A. mdccxiii. licet haud saevierit nimiopere; opes tamen civium eo adflixit, quod tanti mali, sollicita averruncatio, multo diuturnoque sumtu, procuranda fuit; mercatu interim, et curandae rei familiaris opportunitate alia, aut cessante penitus, aut, pro eiusmodi temporum ingenio, arctius circumscripta. Vide Panegyricum Dobnero dictum."

V Volvoces erant, seu convolvuli, qui A. mdccxiv. tantopere vineas depopulati sunt, ut eam calamitatem, Verbi Divini praecones, habitis publice sermonibus, haud ab re, inter exstantissimas peccatorum poenas, retulerint, excitarintque ad resipiscendum populum, haec istiusmodi damna, deplorantem. Adde, reliquas caeli iniurias, quae vindemias reddiderunt, aut irritas, aut fructus acerbioris. Tales erant anni: MDCCX. mdccxiv. MDCCXvi. MDCCxxii. MDCCxxv. MDCCXxxiii. ad annum usque mdccxlii. Adde, eidem calamitati incendium geminum; alterum anni mdccxxvi. quo vicus suburbanus Schlipper, cum porta cognomine; alterum anni mdccxxviii. quo plateae Viden et Michaelitana, cum templo parochiali, aere campano aegre servato, consumtae sunt.111

I corr. ex ociduam

' Etiam haec quae de porticu ponteque leguntur („anno tamen... solidioribus instructus"), fere ad verbum ex notis Haynóczianis sunt transscripta. Cf. [Ha] f. 2/.

II Vide Haynóczi 1731. />. ji.

III Quae de incendiis hic scribuntur, a Haynóczio Belius mutuatus est. Cf. [Ha] f 2f.