Kasza Péter (szerk.): Stephanus Brodericus - Epistulae (Bibliotheca Scriptorum Medii Recentisque Aevorum, Series Nova XIV., Argumentum Kiadó - Magyar Országos Levéltár, Budapest, 2012)

1533

5

10

15

20

25

30

35

László Nagy, and. Matthias Loboezky return what they have taken away from Ferdinand's subjects unlawfully. He will do the same regarding Gáspár Serédy. - II. Regulations of the armistice should he observed regarding Szeben too. - 12. Zsigmond Kauffunk has robbed Konrád Haller, a civilian from Lőcse, and the gains were taken to Késmárk. If Brodarics and Frangepán cannot arrange for the booty to be returned, he himself will take action.

Reverendissimi Domini et Amici Honorandi salutem et commendationem.

[1.] Redditae sunt mihi per Vestrarum Reverendissimarum Dominationum famulum litterae, in quibus ipsae mihi ad meas, quas nuper statim post adventum meum huc ad eas dederam, respondent.3 Quarum summa fere hisce subsequentibus complexa est articulis. Primum commendatio animi mei ad quietem pacationemque regni huius propensi. Deinde suspicio adventus huc mei, quasi scilicet sub praetextu tutandorum regiae maiestatis, domini mei clementissimi subditorum ad conservationemque indutiarum in Transylvaniam proficisci vellem. Tertio ut tantum efficere debeam apud dominum meum clementissimum, quod commissarii Strigonium mittantur de cognoscendis animadvertendisque utrunque illatis iniuriis. Quarto de dimittendis aut avocandis copiis, quibus praesum. Postremo qui nominatim partis domini mei clementissimi contra indutiarum articulos egisse videntur etc.

[2.] Equidem, Domini et Amici Honorandi, quantum ad meam laudem attinet, quod plus tranquillitati quam huius regni excidio studuerim, non tam agnosco tandem et commendationem hanc (de qua tamen Reverendissimis Dominationibus Vestris magnas habeo gratias) quam quod vellem sibi Vestrae Reverendissimae Dominationes de me hoc certo persuadeant me ex animo huius regni pacationem optare, et vera esse, quae de studio et voluntate in hac mea scripserim, tantumque libenter pro viribus meis conari vellem, ut, quoquo id fieret modo, hanc, quam tribuitis mihi, laudem ex merito assequi possem.

Sed de suspicione illa, quae Vestris Reverendissimis Dominationibus subiit, quod Transylvaniam eo, quo me ipsi suspicantur, praetextu adire vellem, idque ex nonnullorum nostrae partis hominum et litteris et significationibus certum habere, multum profecto demiror adeo parvam mihi haberi fidem in his, quae nuper ad Vestras Reverendissimas Dominationes a me perscripta sunt, siquidem conscius mihi sum, quae hactenus egerim aperte et sincere me egisse, nullo fuco nulloque praetextu, quod, dum vixero, eadem dexteritate facturum me polliceor praestaboque. Nam si suspicio haec vestra quid veri in sese haberet, hoc est, si alia ex causa huc profectus aut expeditus essem, quam ut nuper Vestrae Reverendissimae Dominationes a me certiores factae sunt, haud equidem tamdiu hic commoratus essem, neque illa de adventu meo ipsis significassem. Quippe si talem, quam cogitant Vestrae Reverendissimae Dominationes, profectionem facere constituissem, alio apparatu id facere voluissem. Quae cum ita sint, iudicent igitur ipsae Vestrae Reverendissimae Dominationes, an non meri impostores ac deceptores fuerint illi, qui hoc ipsum de nobis Vestris Reverendissimis Dominationibus vel indicaverint, vel scripserint. Quod postea Vestrae Reverendissimae Dominationes consultissimum esse putarent, ut copiae nostrae avocarentur, quod cum fieret etiam principem et dominum vestrum suas similiter copias dimissurum. Facile 5

5 See the letter by Brodarics and Frangepán on 15 November.

386