Hajnal István: Az 1642. évi meghiúsult országgyűlés időszaka (Budapest, 1930)

Iratok

summám ad hanc solutionem in parata pecunia praestanda. Nam ex media tricesima hucusque nihil provenire potuit, cum pulsus boum per hyemem, ad hucusque cessaverit, et jam primum sumat initium, similesque anni superioris redditus pro solutione Canisensi et Banali jam ante sint conversi. Deinde facile quisque iudicaverit, in quantum Suae Mattis alia regna et ditiones haereditariae, totumque Romanum Impérium, per tot annorum continuum bellum sit exhaustum, adeo ut vix amplius ratio iniri valeat, unde sumptus bellici ad resistendum tot Romani Imperii hostibus elici possint, et quemadmodum, rebus sic stantibus, subsidium pro confiniariis ex Imperio pro tempore haberi nequit, ita etiam ex contributionibus Austriae in novissimis ibidem celebratis diaetis concessis, uti ex adjectis paribus resolutionis Suae Mattis ad cameram aulicam Viennensem in hac materia emanatae uberius declaratur, nonnisi post longum adhuc temporis intervallum quicquam sperare non licet, eo quod partim superinde anticipationes iam ante factae, partim assignationes pro serenissimo archiduce Leopoldo Guilhelmo reiectae, ac iuxta reliqui solutionis termini adhuc longum disteni. Unde licet id ipsum Sua Matas unice efflagitet, pronunc statim insinuata solutio successum sortiri non potest, ne vero in hoc negotio promovendo quicquam omittatur, iussit Sua Matas, ut sub finem mensis Augusti proxime futuri haec solutio antemontana infallibiliter praestetur, eoque tempore commissarii (quorum unus ex Consilio camerae aulicae est praenominatus Pfundner, et ex camera Hungarica Wolfgangus Morocz, praeter tertium ex Consilio aulico bellico deputandum) ibidem in confiniis hunc in finem certo compareant et solutionem demandatam immediate aggrediantur, interim multoties fatus comes Palffi ex media tricesima pecuniam colligat, ita ut ad praefixum tempus desideratae pecuniae summa una cum panni quantitate in promptu habeatur. Ut vero confiniarii de taliter appromptanda solutione certitudinem habeant, eoque facilius solutionis moram sustineant, mandavit Sua Matas amplius benigniter, quatenus pannus ad solita loca absque ulteriore cunctatione devehatur, indeque confiniariis solutionis avidis, effectus statim secuturi ob oculos ponatur securitas. Item quod etiam colonellis et capitaneis, si graviores querelae ratione protractionis solutionis ex confiniis audirentur, praefatus