Hajnal István: Az 1642. évi meghiúsult országgyűlés időszaka (Budapest, 1930)
Iratok
mutua intelligentia, pro defensione patriae mille equites stipendiis nostris quantocyus conducantur, iique penes generales capitaneos in confiniis collocentur, qui iunctis cum aliis confiniariis et subsidiis comitatuum viribus ac studiis, Turcarum excursionibus, si quas ulterius attent aturi essent, pro moderni temporis ratione sufficienter excubare et invigilare insultusque ac molimina ipsorum propulsare valeant. Qui quidem delectus ut quantocyus effectuetur, in eo fidelitatem vestram adhibita diligentia cooperari, conductionemque eiusmodi omni studio promoveri desideramus. Porro ad tollendas et componendas in partibus dicti regni nostri superioribus ortas confusiones ac discordias, animandosque fideles nostros regnicolas ad propriam ipsorum defensionem, benigne annuimus, contentique reddimur, ut fidelitas vestra et archiepiscopus Strigo niensis, adhibitis etiam uno ecclesiastici, altero saecularis ordinis consiliariis nostris, quorum ille reverendus Georgius Jakussith, episcopus Wesprimiensis, hic vero spectabilis et magnificus comes Ladislaus Chiaky esse possent, ex illis de medio comitatensium aliquos praecipuos pacis ac concordiae amantes et studiosos, prout optimum fore iudicaveritis, evocare, cum iisdemque de modalitate defensionis ipsorum ex voluntate nostra agere ac tractare, aliasque ortas inter illos difficultates componere et in bonum ordinem redigere possitis. Caeterum pro paterna nostra sollicitudine et providentia, eam dicti regni nostri Hungáriáé curam gerimus, ut compositis Dei beneficio Sacri Romani Imperii motibus, rebusque hic bono fine terminatis, cui omni studio et conatu innitimur, nihil eorum, quae ad salutem et incolumitatem patriae fideliumque nostrorum regnicolarum quietem ac tranquillitatem pertinere videbuntur, intermissum esse velimus. Reliqua benignarum nostrarum resolutionum puncta fidelitas vestra ex literis praefati cancellarli nostri intellectura erit. 1 Gratia nostra caesarea et regia vobis in reliquo benigne propensi manentes. Datum in nostra et Sacri Romani Imperii civitate Ratisbona die decima octava mensis Februarii. Anno Domini millesimo sexcentesimo quadragesimo primo. Ferdinandus. [s. k.J Georgius Lippay Eppus Agrien. fs. k.] [Kívül címzés.] Georgius Orosy [s. k.]
