Mikó Gábor: Egy levéltár régmúltja. A Zarka család középkori okiratai - Subsidia ad historiam medii aevi Hungáriáé inquirendam 15. (Budapest, 2023)
Oklevéltár - 52 1429. június 29. Buda
Oklevéltár 141 antefati capituli homines in dominium eiusdem introduci et ipsam sibi iure eis incumbente in perpetuum possidendam statui facere voluisse, statucionique eiusdem dictis primis duabus vicibus memorate domine Katherine flende pretitulati Ladislaus et Nicolaus filii Stephani de dicta alia Gely, tercioque et ultimo statucioni ipsius possessionis memorato Petro filio ipsius domine flende idem Nicolaus filius Stephani et prefata domina Clara vocata contradiccionem fecisse, et iidem ad reddendum eorum inhibicionis racionem ad predictos tres terminos legittimos evocati in presenciam eorum iudicis ordinarii contumacia preassumpta venire vel mittere non curasse, sed se dictarum litterarum iudicialium seriebus iudiciorum oneribus innodari permisisse, annotatus autem dominus noster Sigismundus rex prenominatam dominam Katherinam filiam prefati Abrahe in dicta possessionaria porcione ipsius condam Abrahe in pretacta possessione Gely habita tunc habitatoribus destituta ad unum aratrum se extendenti in dicto comitatu Castriferrei habita adiacenti et ipsum condam Abraham, patrem eiusdem domine iusto titulo tangenti racione previa in verum heredem et legittimum successorem, veluti filium legittimum eiusdem Abrahe modo premisso prefecisse, creasse et instituisse, ipsamque porcionem possessionariam ipsius condam Abrahe in dicte Gely habitam eidem domine Katherine heredibusque et successoribus ac posteritatibus eiusdem universis in perpetuam hereditatem ascripsisse ex seriebus premissarum [...] a litterarum nostri in presencia productarum lucide agnoscebatur, consuetudinaria vero lege huius regni Hungarie ab antiquo approbata requirente quicunque in facto alicuius iuris possessionarii per quempiam terna vice recaptivati contradicciones fecerit, et idem in presenciam sui iudicis ordinarii ad tres terminos legittimos et iuridice assignatos evocatus contumacia ductus compatere rennuerit(!), amplius talis huiusmodi iuris possessionarii statucioni per quempiam recaptivati non valet contradiccione obviare, sed requisitor eiusdem iuris possessionarii contradiccione ipsius inhibentis et aliorum quorumlibet non obstante in dominium eiusdem statui debet atque introduci. Pro eo amiciciam dicti capituli Castriferrei literatorie petiveramus reverenter, quatenus ipsorum mitterent hominem pro testimonio fidedignum, quo presente homo regius infradeclarandus de curia regia transmissus ad faciem prefate possessionis Gely vocate et consequenter iamdicte porcionis memorati condam Abrahe, patris scilicet annotate domine Katherine ad unum aratrum, ut prefertur, se extendentis, vicinis et commetaneis eiusdem possessionis Gely inibi legittime convocatis et presentibus accedendo eandem porcionem cum cunctis ipsius utilitatibus et pertinendis quibuslibet antefato Stephano filio Michaelis filii annotate domine Katherine, contradiccione prefatorum Nicolai filii Stephani ac domine Clare, consortis
