C. Tóth Norbert-Lakatos Bálint-Mikó Gábor: A pozsonyi prépost és a káptalan viszálya (1421-1425). A szentszéki bíráskodás Magyarországon - a pozsonyi káptalan szervezete és működése a XV. század elején - Subsidia ad historiam medii aevi Hungariae inquirendam 3. (Budapest, 2014)
Oklevéltári rész - Oklevelek
286 11 (1425. január 20.) 1 Et tandem die quartadecima(l) mensis Novembris per procuratores capituli Posoniensis, videlicet magistrum Georgium et Thomam canonicos Posonienses requisiti fuimus, ut in causa Strigonii mota super articulis ibidem porrectis, ut supra, procedere deberemus. Nos 5 ad diem sequentem prorogantes ac die sequenti, videlicet quintodecimo die mensis eiusdem comparentibus procuratoribus prefatis capituli comparuerunt et procuratores prepositi, videlicet Augustinus alias scolasticus Posoniensis et Gregorius notarius domini prepositi, coram quibus ultra alia per nos protunc gesta, de quibus aput acta continetur, 10 commissimus prefatis procuratoribus capituli nonnullos articulos Strigonii productos et per nos extractos probare, inter quos commisimus septimum, octavum et decimum articulos infrascriptos, Strigonii productos, debere similiter probare, et quia undecimus articulus est condependens ad precedentes, duximus hic etiam inserendus, qui articuli 15 per ordinem ponuntur cum eorum responsionibus et replicationibus in forma, prout Strigonii producti fuerunt: I 7. I Item predicti prepositus et capitulum de antiqua laudabili et approbata consuetudine ecclesie Posoniensis semper elegerunt unum officialem seu decanum tempore festi sancti Georgii per annum, qui 20 possessiones communes eorundem prepositi et capituli rexit et census et proventus earundem levavit et in unum collegit, de eisdemque semper bis in anno predictis preposito et capitulo rationem dedit ac iudicia in eisdem possessionibus celebravit, birsagiaque ibidem provenientia pro suo labore tulit et officia seu facta possessionum eundem decanum 25 concernentia de consilio eorundem prepositi et capituli expedivit. In quem modernus dominus noster prepositus hucusque minime consensit nec in futurum consentire intendit in destructionem ecclesie et gravamen predicti capituli possessionumque communium valde magnum. Ita fuit et est verum publicum et notorium. 30 Responsio domini prepositi ad septimum articulum: „dico, quod ego non sum contentus de factis decani, quare michi detrahitur in proventibus meis per ipsum decanum, nam alias puta elapsis integro et medio annis post meam promotionem facta ratione et computatione reddituum inter me et ipsum capitulum non plures, ut recolo, quam XVI 35 denarios michi presentati extiterunt per capitulum antedictum." Replicatio dominorum capitularium ad responsionem prime partis septimi articuli, ubi ponit ipsum non esse contentum de decano etc., respondetur, ut supra inmediate in replicatione contra responsiones suas ad articulos quintum et sextum factas. Ad secundam partem 40 eiusdem responsionis, ubi ponit, quod durante officio decani, videlicet a principio introitus sui non fatetur se plus recepisse quam XVI denarios. Respondetur, quod tempore isto, quo decanus rexit possessiones, ipse 1424. XI. 14. 1424. XI. 15.
