C. Tóth Norbert-Lakatos Bálint-Mikó Gábor: A pozsonyi prépost és a káptalan viszálya (1421-1425). A szentszéki bíráskodás Magyarországon - a pozsonyi káptalan szervezete és működése a XV. század elején - Subsidia ad historiam medii aevi Hungariae inquirendam 3. (Budapest, 2014)

Oklevéltári rész - Oklevelek

1

5

10

15

20

25

30

35

40

258

6 (1425. január 20.)

per articulos certos oblatos in effectu contra eundem dominum prepositum proposuerunt, quomodo 13. prefatus dominus Ladislaus eorum prepositus pendente lite inter ipsos contra contenta litterarum prorogatoriarum predictarum inter alia attemptare presumpsit, quod in erectione ipsius piscature minime contribuendo nec piscatoribus satisfaciendo pro sua quarta parte de trigintanovem husonibus potiores decem husones et meliores pro se recipere propria auctoritate temeraria contra modum datum in divisione predictorum husonum fienda per personas per ipsum prepositum electas unacum personis duabus pro parte capituli deputatis attemptavit, quare petierunt prepositum ad premissa responderi et eundem conpelli ad satisfaciendum. Preposito autem respondente, quod ipse in huiusmodi divisione presens non fuisset, et quod si domini de capitulo rationem de censibus communibus Sancti Georgii et etiam Sancti Michaelis sibi fecissent pro sua quarta parte ratione habita satisfacere eisdem paratus fuisset, sed usque hec ad suas requisitiones ipsam rationem de dictis proventibus minime facere curassent.

Unde nos ex officio nostro volentes super premissis veritatem inquirere et primo super ipsa divisione husonum per nonnullorum testium citatorum et mediante iuramento in forma consueta examinatorum talem ex depositionibus eorundem testium repperimus in effectu veritatem, quod prepositus, cum predicti trigintanovem husones fuissent prensi, elegit dominum Iacobum plebanum de Zeredahel et Petrum Pannicidam villicum de Wasaruth et misit eos ad decanum et socium suum, qui erant in loco piscature pro capitulo et fecit eis dicere, quod facerent divisionem, quia volebat vendere portionem suam, cum haberet iam emptores, decanus licet dixisset se non posse dividere sine consensu dominorum, tamen finaliter consensit, si prepositus velit facere fieri rectam et equalem divisionem et piscatoribus velit persolvere pro quarta sua, et dicti electi prepositi transeuntes ad eum sibi retulerunt et dixit prepositus: „Vadatis et contentus sum, quod faciatis rectam et iustam divisionem, sive ego non intersim divisioni", et adiunxit eisdem ibidem unum iobagionem communem Iohannem Mathie de eadem Wasaruth addicens,1 quod et alios expertos eis adiungentur, qui electi unacum prefatis dominis et iobagionibus ac certis familiaribus prepositi transeuntes ad loca, ubi erant husones, absente preposito primo tres husones ipsi de per se posuerunt, quia duo ex ipsis non habebant coequales, causa portandi ad Posonium et ibidem dividendi et habebant dum currum cuiusdam iobagionis Symonis de dicta Wassaruth iam pro eisdem appretiatum. De aliis autem triginta sex husonibus fecerunt

1 A szövegben adiciens alak áll.