C. Tóth Nórbert - Lakatos Bálint: Zsigmondkori Oklevéltár XV. (1428) - A Magyar Országos Levéltár kiadványai, II. Forráskiadványok 61. (Budapest, 2022)
1428
312 1428. június 29. 757 Jún. 29. Dispositio testamentaria magnifici Nicolai de Peren etc. facta in Kowyno feria tertia, in festo scilicet Beatorum Petri et Pauli apostolorum, anno Domini MCCCCmo XXVIII01 Item primo, quod si in hoc anno nos absque heredum solatio de hoc seculo migrari contingerit, extunc possessiones nostre Zyna et Wyhel, quas a domino nostro rege domine Hedvigi, consorti nostre carissime ita, quod si in viduitate permanerit, perpetue possidendas impetravimus, quarum una, videlicet Zyna pignori apud dominam consortem lacobi way vode est obligata, quam etiam prefatus dominus noster rex ea ratione, quod in servitiis sue serenitatis impignoraverimus, nobis redimere promisit, attamen si prefata possessio per ipsum dominum regem non redimeretur, donatione domini nostri regis preexpressa in vigore remanente ipsa domina, consors nostra cum summa pecuniarum septem milium quadringentorum triginta trium florenorum per centum nove monete regalis a Valentino Vyncze secundum rationem inter nos factam nobis provenire debendorum, quos scilicet florenorum summa in prescripta expressos domine consorti nostre predicte legavimus, ymmo legamus, redimere debeat possessionesque prescripte vigore donationis regalis celsitudinis dominio prefate domine consortis nostre devolvantur secundum alias litteras confirmatorias eiusdem domini nostri regis, quas a sua serenitate et prius emanari postulavimus, nobisque gratiosissime dari assumpsit. Secundo, quod clenodia nostra argentea, quorum registra in domo nostra thavernicali sunt reposita, civibus Thrincziniensibus pro tricentis florenis auri impignorata, prefata domina Hedvigis, consors nostra redimere possit et pro se conservet. Tertio, quod quemadmodum clenodia nostra aurea, videlicet anulos et monilia egregio Petro Groff de Buzyn pro mille florenis auri impignoravimus, prefatam dominam, consortem nostram rogamus eidemque committimus, ut ipsa clenodia nostra pretacta de pecuniis salium nostrorum pro servitiis et debitis nostris per dominum regem nobis in Poroslo deputatorum redimere et cum aliis clenodiis nostris aureis erga nos habitis componere quantoque plura ornamenta ecclesie, videlicet calices, casulas, pallas, libros et alia necessaria pro salute et refrigerio anime nostre poterit ordinari, facere debeat et disponat. Quarto, quia cetere possessiones nostre ad fratres nostros, puta lohannem et Stephanum, filios Emerici de Peren devolvende sunt, dotalitiaque et res paraflernales domine Katherine, relicte condam magnifici Ladislai de Peren etc., fratris nostri carissimi, de ipsis nostris possessionibus provenire debenda non persolvimus, propterea volumus eosdemque fratres nostros rogamus, ut de proventibus ipsarum possessionum nostrarum absque omnia renitentia et lite prefatas res paraflernales persolvere debeant consuetudine regni requirente, insuper quod antefata domina Hedvigis, consors nostra de
