C. Tóth Norbert - Lakatos Bálint - Mikó Gábor: Zsigmondkori Oklevéltár XIV. (1427) - A Magyar Országos Levéltár kiadványai, II. Forráskiadványok 59. (Budapest, 2020)
1427
1427. október 7. 415 bilis domini Dominici archidiaconi Suproniensis canonicique in ecclesia lauriensis ac vicarii reverendi in Christo patris et domini, domini Clementis, Dei et apostolice sedis gratia episcopi lauriensis in spiritualibus generalis viceiterata citatoriarum debite executarum eodem domino episcopo unacum predicto vicario et dominis de capitulo pro tribunali sedente comparuerunt coram eodem Ladislaus litteratus de Paztor, procurator et procuratorio nomine magnifici viri, domini Stephani de Kanisa alias ianitorum regalium magistri, ut actoris, ab una, ac egregius vir, dominus comes Paulus de Farichtenstayn, uti in causam atractus, ab altera partibus, et idem procurator actionem dicti domini Stephani de Kanisa, domini sui, contra et adversus prefatum dominum comitem Paulum per modum libelli articuli proposuit eo modo: Quod cum villa Mercz vocata, in dyocesi lauriensi constituta semper et ab antiquo ac per tantum tempus, cuius initii in contrarium memoria hominum non existit, fuerit et sit ipsius domini Stephani de Kanisa, domini sui ac fratrum et proximorum eiusdem condivisionalium de generatione Osi, idemque cum dictis fratribus et proximis suis sit et existât in quieta et pacifica possessione eiusdem ville etiam de presenti, nichilominus tamen prefatus comes Paulus, nescitur quo iure vel spiritu ductus domino Stephano1 de Kanisa ius patronatus parochialis ecclesie Sancti Vilibaldi infra territorium eiusdem ville Mercz existentis ad eundem dominum Stephanum de Kanisa et dictos fratres et proximos suos ex literalibus instrumentis superinde confectis et alias de iure pertinentem(!) et pertinere debentem(!), perperam et de facto pro se usurpando a nonnullis annis iam preteritis citra, dum et quando eadem ecclesia vacavit, semper personam, quam voluit, ad eandem elegit electamque episcopo lauriensi pro tempore existenti aut vicario eiusdem presentavit et confirmari procuravit in preiudicium et iacturam ipsius domini Stephani de Kanisa et fratrum ac proximorum suorum predictorum valde gravem, cuius ipse rationem scire vellet ab eodem, petendo eundem comitem Paulum a iure patronatus dicte ecclesie Sancti Vilibaldi ammoveri et prefato domino Stephano de Kanisa unacum predictis fratribus et proximis suis idem ius patronatus restitui et reintegrari iure et sententia dif finiti va mediante. Quo audito idem comes Paulus incontinenti animo litem contestandi respondit ad premissa, quod ipse et predecessores sui de usu, more et consuetudine legittime prescriptis a tanto tempore et per tantum tempus, cuius initii in contrarium memoria hominum non existit, semper fuerunt et ipse de presenti est in quieta et pacifica possessione iuris patronatus dicte ecclesie Sancti Vilibaldi de Mercz ac eligendi et presentandi plebanum ad eandem, ex eo et pro eo, quod ipsa ecclesia Sancti Vilibaldi per predecessores suos fundata est in territorio et fundo suo et dotata per ipsum, quam ipse de novo per constructionem muri ac donationem calicum, tabule, monstranciarum et ornamentorum ad eandem satis copiose ampliavit et dotavit et amplius dotare intendit. Ex eo etiam, quod ipse ab antiquo in eadem villa Meercz certam habuisset et haberet portionem, propter quam ius patronatus dicte ecclesie
