C. Tóth Norbert - Lakatos Bálint - Mikó Gábor: Zsigmondkori Oklevéltár XIV. (1427) - A Magyar Országos Levéltár kiadványai, II. Forráskiadványok 59. (Budapest, 2020)
1427
102 1427. február 1. nobis de medio sublatis dispendium aliquod seu gravamen patiatur, regali tutare remedio, ideo exnunc prescriptos comitatum et castra nostra simulcum tenutis et pertinentiis eorundem predictis pure et simpliciter et ex integro modo simili ex certa nostre maiestatis scientia eorundemque prelatorum et baronum nostrorum ad accedente consilio eidem domine regine remitteri et resignari, manusque nostras et nostrorum quorumlibet de eisdem extrahendo et excipiendo, sibi de novo et denuo damus, donamus et conferimus seu appropriamus et asscribimus per eandem dominam reginam usque id tempus vite sue possidendos, tenendos pariter et habendos, ita videlicet, ut memorata domina regina ipsos comitatum et castra prenotata omnesque et quoslibet fructus, redditus et proventus eorundem comitatus et castrorum a modo deinceps plene et integre pro se recipere et levare necnon comites et castellanos aliosque officiales quoscumque ad dictos comitatum et castra pro sui libito instituere et deputare valeat atque possit. Porro mera nostra auctoritate et potestatis plenitudine scientiaque et consilio prenotatis sancsimus(!), ymmo presentibus liberaliter concedimus et indulgemus, quod sepedicta domina regina in predictis universis et quibuslibet civitatibus montanarum tam in comitatu Zoliensi, quam alias ubilibet intra regni nostri ambitum constitutis et existentibus sibi per nostram maiestatem, sicut premittitur, datis, donatis et appropriatis magistrorum thavarnicorum reginalium, qui universas causas inter cives earundem civitatum coram ipso ventilandas ad instar magistri thavarnicorum nostrorum regalium, qui hactenus inter ipsos cives officium huiusmodi exercere consueverat, instituere et deputare plenam et omnimodam habeat auctoritatem. Aliis tamen proventibus magistro thavarnicorum nostrorum regalium de ipsis civitatibus necnon urburis aut cusione monetarum hactenus provenire solitis eidem remanentibus semper salvis. Et si quispiam regnicolarium nostrorum de iudicio ipsius magistri thavarnicorum reginalium pro tempore constituti contentari noluerit, extunc huiusmodi causam pro deliberatione et discussione clariori in presentiam ipsius domine regine deducere valeat coram eadem fine debito terminandam, si vero de iudicio ipsius domine regine etiam noluerit contentari, extunc talem causam cum serie adiudicationis eiusdem in presentiam nostram regiam aut successorum nostrorum valeat differre finalem in ibi superinde discussionem recepturus, harum nostrarum litterarum, quibus secretum sigillum nostrum appensum est, vigore, testimonio mediante. Datum in civitate nostra Brassoviensi, in vigilia festi purificationis virginis Marie glo riose, anno Domini millesimo CCCC° vigesimo septimo, regnorum nostrorum anno Hungarie etc. XXXX°, Romanorum decimo septimo et Bohemie septimo. Átírta Zs. 1427. máj. 8-i oklevelében (482), amelyet átírt ugyanő 1428. júl. 13-i privilégiumában. HHStA Urkundenabteilung, Ungarische Urkundenabteilung, Rep. 16-85. (DF 287106.) - Ennek egyszerű 16. sz.-i másolata: FHKA, Anhang vermischter ungarischer Gegenstände, Rote Nr. 2. (DF 286271.) - Részletét magyar fordításban idézi Izsó: Szemelvények a magyar montanisztika forrásaiból 43. 1A szövegben: valentes.
