Zsigmondkori oklevéltár XII. 1425 (Magyar Országos Levéltár kiadványai, II. Forráskiadványok 52. Budapest, 2013)

1425

1425. október 21.

443

a plaga occidentali existentem; ab illo fine usque ad alium finem demptis quibusdam duabus domibus, una scilicet parva in dicto fine opidi prescripti iuxta dictum rivulum a prescripta plaga occidentali immediate existente, quam partes pro utilitate et comodo prenotati opidi civibus et hospitibus de eodem utendam annuissent, alia vero magna vulgo perghauz vocata in superiori acie platee cerdonum constructa, quam alteri medietati ipsius opidi adiunxissent iamfato Nicolao Groff dimisissent; reliquam vero medietatem ipsius totius opidi a plaga orientali habita similiter ab uno fine usque ad alium unacum dicta magna domo aciali perghauz nominata prcallegato Georgio Groff reliquissent, linea insuper platee vulgo Kertwcza appellate a plaga septemtrionali adiacens iamtacto Nicolao, altera autem linea eiusdem platee a parte dicti castri sita pretitulato Georgio Groff semper sorte posita cessisset et remansisset.1

Insuper iura montana, terragia et alios redditus vinearum, silvarum, maccellorum, molendinorum, tributorum et aquarum, necnon pascua, terras arabiles, pomeria et prata intra metas dictorum castri et opidi ac possessionum prescriptarum plantatarum habita et existentia partibus communiter tenenda et habenda deputassent. Decrevissent etiam et eedem partes voluissent, quod si vinea aliqua per mortem alicuius iobagionis cuiuscunque partis in aliquam partium devolveretur aut forte propter aliquos graves excessus per alteram ipsarum partium reciperetur, que scilicet vinea prius dominio censualis extiterat vel terragium solvebat et hanc vineam ipsa pars pro se reservaret, ut alicui familiari donaret, extunc medietatem huiusmodi census vel terragii alteri parti perveniendam eidem persolvere teneatur possessor vinee prenotate.

Item in possessione Swmberg ecclesiam parochialem in honore Sancti Nicolai confessoris fundatam, domum plebanie, tributum molendini communiter possidendam reliquissent. Tandem incipiendo in linea a plaga meridionali habita a fine ab oriente existente a dicto domo plebanie usque sessionem Seyfridi Sreyner undecim sessiones, videlicet octo quartalia et tria octualia Nicolao Groff et in alia linea a plaga septemtrionali habita a cimiterio dicte ecclesie usque sessionem Michaelis Nohatssen2 similiter undecim sessiones scilicet octo quartalia et tria octualia Georgio Groff, ac in dicta linea meridionali a prescripta sessione ipsius Seyfridi Sreyner eandem includendo usque finem sessiones populose et deserte Georgio Groff, necnon in prescripta linea septemtrionali a sessione prefati Michaelis Nohatssen2 eandem includendo similiter usque finem sessiones populose et deserte prefato Nicolao Groff sorte posita cessissent.

Deinde villam Czayel vocatam, que habet unam lineam totam et iacct cum uno fine versus meridionalem, cum alio versus septemtrionalem plagas, incepissent in medio circa sessionem, in qua Mathes dictus Vonkwbel resideret et eandem includendo medietatem ipsius ville usque finem versus dictam septemtrionalem Nicolao Groff, aliam medietatem usque alium finem ad meridiem tendendo Georgio Groff sorte posita dimisissent.

Hinc possessionem Newfeld appellatam hoc modo divisissent, quos medios laneos et domos inquilinorum hofstat vocatas in linea septemtrionali sive a parte opidi Modor habita existentes dempto medio laneo penultimo in eadem linea a fine a plaga orientali habito Nicolao Groff, aliam lineam totam a plaga meridionali sitam simulcum dicto medio laneo penultimo in alia linea habito Georgio Groff sorte posita dimisissent.

Post hec in possessione Sweynspah totam lineam unam a plaga occidentis habitam Nicolao Groff, alteram vero lineam similiter totam a parte orientis sitam Georgio Groff