Zsigmondkori oklevéltár XII. 1425 (Magyar Országos Levéltár kiadványai, II. Forráskiadványok 52. Budapest, 2013)
1425
1425. július 3. 303 canonicis in ecclesia Strigoniensi predicta per certas litteras suas per honorabilem virum dominum Andreám artium liberalium magistrum, canonicum in dicta ecclesia Strigoniensi coram notario et testibus exhibitas et ad acta redactas, ex actis tam coram reverendo in Christo patre et domino Fernando episcopo Lucensi et tunc in regnis Hungarie et Bohemie et dominiis eisdem subiectis Apostolice Sedis nuntio, quam coram ipso domino archiepiscopo et ipsius auditoribus in causa huiusmodi infrascripta propter sui multiplices in negotiis serenissimi domini Sigismundi Romanorum, Hungarie, Bohemie etc. regis et regnorum eidem subiectorum occupationes deputatis, actitatis et conscriptis diligenter visis prius et ruminatis sententiam diffinitivam in ipsa causa ferri auctoritate apostolica commisit et mandavit nosque Matheus et Thomas doctores et subdelegati predicti visis actis coram predicto reverendo patre domino Fernando episcopo et nuntio apostolico in publicam formam redactis repperimus eundem dominum episcopum post libellum per dictum magistrum Andreám oblatum et positiones articulorum et ad eorundem responsionem sive litis contestationem de mandato dicti domini Fernandi factam ad nonnullos actus iudiciarios usque commissionem examinatos statum inclusive, non tamen executive processisse. Tenor vero libelli oblati et in predictis actis publicis contentus est talis. Coram vobis reverendissimo in Christo patre et domino domino Fernando Dei gratia episcopo Lucensi ac in Hungarie et Bohemie regnis etc. et apostolice sedis nuntio Andreas artium liberalium magister, lector ecclesie collegiate Beati Martini in Scepus etc. contra dominum Arnoldum canonicum Waradiensem aut lohannem de Wsfalva pretensum canonicum dicte ecclesie Beati Martini assertum procuratorem prefati domini Arnoldi seu aliam quamcumque personam pro eodem in iudicio legittime intervenientem dicit, agit et proponit gravi cum querela, quod quamquam ipse post assecutionem canonicam per commutationem archidyaconatus et prebende Saswariensis in ecclesia Strigoniensi predicto lectoratu et prebenda in predicta ecclesia Beati Martini in pacifica possessione eiusdem lectoratus fructuumque proventuum universorum et emolimentorum de iuris consuetudine et alio quovismodo ad eundem lectoratum pertinentium et spectantium quatuor annis et citra se se continue et inmediate sequentibus perceptionum et levationum stetisset et fuisset, eosdemque fructus et proventus et emolimenta singulis annis pacifice integraliter percepisset, tulisset, levasset et habuisset. Tamen nescitur quibus temeritate et presumptuositate pretactus dominus Arnoldus per lohannem de Wzfalu prefatum ut procuratorem nullo iuris ordine, sed potentia fretus seculari ipsum dominum et magistrum Andreám lectorem lecturatu suo in ecclesia Beati Martini pretitulata fructibus et proventibus et emolimentis eiusdem spoliare seque intrudere, intromittere et occupare eademque percipere et usurpare pro se fecit dictusque Iohannes de Wzfalu nomine eiusdem Arnoldi se intrusit ac dictum magistrum Andreám lectorem spoliavit de fructibus et proventibus se intromittendo et occupando de factoque percepit et percipit, procuratorem eiusdem domini Andree ac homines ipsius a possessione et perceptione proventuum percipiendorum repulit, prohibuit et ammonit minis, vituperiis, terroribus et verberibus ab eorundem perceptione, receptione et levatione nomine dicti domini Arnoldi exclusit contra Deum et iustitiam in preiudicium et gravamen et destructionem, extirpationem magistri Andree gravia et valde magna, que predicta, si negata fuerint, probare intendit in parte vel in toto ad superfluam probationem se non astringendo, sed tamen ad ea, que pro intentione sua et victoria cause sue sufficere
