C. Tóth Norbert: Politikatörténeti források Bátori István első helytartóságához (1522-1523) (Magyar Országos Levéltár kiadványai, II. Forráskiadványok 50. Budapest, 2010)
Oklevelek, levelek
176 1523. február ország déli határának és a végváraknak a védelméről. A püspök kéri a királyt, hogy legkésőbb az országgyűlésre térjen haza, máskülönben mind királyi felsége, mind az ország kárt szenved. Egykorú másolat, Andreas Burgo követ 1523. március 14-i jelentésének (178) a melléklete. HHStA Handschriftenabteilung: Ungarische Akten AA, Fasz. 1. (Konv. D), föl. 1-2. (DF 276 023.) Copia litterarum reverendissimi domini Iauriensis ad serenissimum dominum regem Hungarie et Boemie. Datum Bude, die 25 Februarii 1523. Postquam istinc discessi, decimo tertio die intravi Budam, quamvis magnis itineribus contenderim nec michi pepercerim et omni ferme die in hospitium ad multam noctem descenderim et ad ultimam facem comederim longe ante ortum solis iter ingressus fuerim. Tandem propter impedimentum itineris: aquarum copiam, fatigationem iumentorum, non solum meorum, sed etiam conductorum, quibus quottidie uti necesse fuit, prius attingere non potui. Sabato ante Invocavit1 ad horam sextam Budam intravi. Dominica proxime sequenti2 domini omnes, qui hic sunt, convenerant ad edes domini palatini communi consilio fideliter et obedientes honorantes maiesta- tem vestram, miserunt post me reverendissimum dominum episcopum Nitriensem et magnificum dominum Ioannem Banffy, hii me nomine aliorum omnium salutarunt, exceperunt, congratulati sunt, hortantes me, ut si videretur, conferrem me ad ipsos et mandata maiestatis vestre declararem, quod magno studio et desiderio vellent audire et ob hoc omnes pretermissis aliis rebus convenissent. Ivi subito. Cum ad palatinum ingressus sum, omnes assurrexerunt stantes per ordinem detectis capitibus, dum conssedissent mandatisque maiestatis vestre intentis auribus oculisque pariter et animis expectarent. Quesivi, ubi esset nobilitas, responsum est paucos ex ea adesse, quia audierunt suam maiestatem non venisse, dixi me habere et litteras et mandata ad omnes propterea videretur melius, ut et ipsi inte- ressent. Tandem placuit omnibus differre et in crastinum3 ad certam horam iterum convenerunt, feci hec etiam ideo, ut priusquam dicerem, possim omnia cum reverendissimo domino Strigoniensi conferre, qui octo diebus ante adventum meum Budam4 ad conventum descenderat, eodem modo die omnia cum ea communi et absque ipsius sano et prudenti consilio feci nichil. Tandem die Lune5 convocarunt etiam nobilitatem et exposui voluntatem et imperium maiestatis vestre coram omnibus dominis et electis nobilibus, qui meo iudicio fuerunt usque ad centum L, si non plures ad salutationem grade protectionis oblationem; litterarum perlec- tionem omnes assurexerunt et nudatis capitibus satis diu steterunt, dixi mandatum maiestatis vestre melius et fusius, ut scivi. Postea in aliam domum intravi, non magna interiecta mora revocatus; dominus palatinus nomine omnium respondit
