Zsigmondkori oklevéltár XI. 1424 (Magyar Országos Levéltár kiadványai, II. Forráskiadványok 49. Budapest, 2008)
1424
382 1424. augusztus 6. Soldus ac alii iobbagiones in eadem residentes sepes pro allodio ipsorum solum usque diverticula terrarum arabilium ipsius domini prioris apponere potuissent. Alia vero sessio inferior penes eandem a parte dicte possessionis Fad adiacens, in qua alias Petrus filius Pauli predialis prioratus residentiam fecisset, ipsi prioratui ad dictam suam possessionem Fad pertinuisset, pro distinctione vero metali dictarum duarum possessionum Alsopabar et Fad inter ipsas sessiones contentiosas lapidem magnum et longum quadrangularem, qui scilicet lapis in uno suo latere signum anfore, in alio sepulturam grecam, in tertio vero signum rosee haberet, a parte occidentis, iuxta que per medium dictarum possessionum Fad et Alsopabar transiretur, cum longitudine in terram fodissent et a meta lapidea directe parvum procedendo versus dictam plagam occidentis usque diverticula dictarum terrarum arabilium ipsius domini prioris signum terrenum; abinde vero modicum directe versus aquilonem in eisdem diverticulis dictarum terrarum arabilium usque quan- dam viam graminosam vulgo Gepeswth nominatam parvum procedendo eandem viam pro meta astruxissent, in medio cuius metam terream posuissent et abhinc directe ad occidentem per eandem viam tendendo ex utraque parte ipsius vie duas metas, ulterius via in eadem quasi inter occidentem et aquilonalem plagas eundo secus eandem viam hinc et inde alias duas metas, post hoc vero viam eandem servando, directe plagam aquilonis usque locum Arokhath, quem pro meta reliquissent, que quidem mete a principio inceptionis earum usque dictum locum Arokhath semper ad acquilonem prefato capitulo, ad meridiem vero memorato domino priori separarent et distingerent. A loco autem Arokhath ulterius non processissent, eo quod in eorum terris pacifice ipsas partes existere recitassent. - Postmo- dum autem ad faciem dicti predii Papay accessissent, ubi ipsi propter discordandam et altercationes dictorum duodecim iuratorum distinctiones metales eiusdem predii Papay, per quas a terra Fad ipsius domini prioris separaretur, distinguere non valentes; terram contentiosam inter predictum predium Papay capituli et terras possessionis Fad ipsius prioratus demptis aliis terris ipsius capituli ad dictas possessiones Alsopabar et Felsepabar, necnon Alsofad pertinentibus, que cum terris dicti domini prioris mixtim et herbaliter adiacerent, de ipsarum partium [....] in duas partes rectas divisissent, quarum partium unam iamfato capitulo, aliam autem partem ipsius eidem domino Alberto priori reliquissent et commisissent possidendas. Cursus vero metarum ipsum predium Papay a terris predicte possessionis Fad distinguens esset talis, quod inciperetur a margine prati magni, quod scilicet pratum ipse partes in priori distinctione metali, per iobbagiones ipsorum usi fuissent et uterentur, stare permisissent, a plaga orientis, ubi duas metas terreas, et abhinc directe ad occidentem in terris arabilibus parvum eundo penes magnam viam, que de villa Zenthgyurg ad predictam villam Fad duceret, similiter duas metas, ulterius ipsa via pertransita directe ad eandem plagam modicum transeundo sub arbore piri silvestris unam metam, et deinde versus eandem plagam procedendo, et aliam viam magnam, que de villa Kengeych duceret ad dictam possessionem Fad, attingendo, secus eandem hinc et hinc alias duas metas; abinde vero reflexive inter occidentem et meridiem directe usque quasdam quatuor veteres metas magnas, vulgo Neeghalom appellatas, tres metas cursuales post sese semper terreas posuissent et ibi terminassent. Que quidem mete a parte aquilonari sive possessionis Zenthgyurg predicte dicto predio Papay memorati capituli, a parte
