Zsigmondkori oklevéltár XI. 1424 (Magyar Országos Levéltár kiadványai, II. Forráskiadványok 49. Budapest, 2008)
1424
358 1424. július 22. bani meritoriis obsequiis, velud pauca de plurimis sub quadam succincta brevitate presenti scripto testante ad futurorum memoriam duximus patescenda, porro nobis nuper pro adeptione sacre Romani regie imperialis corone, qua tunc in nostra imperiali Aquisgrani civitate unacum serenissima principe domina Barbara pre- dictorum regnorum nostrorum regina conthorali nostra carissima sollempniter et precelse in regem Romanorum fuimus coronatus, necnon pro sacro sancte Romane et universalis ecclesie et ipsius sacri Romani imperii status reformatione ac diu desiderate et iam divini consilii incomprehensibili iudicio disponente votive adepte unionis ordinatione extra presens peculiare regnum nostrum Hungarie in Alamanie et aliis mundi partibus, signanter vero in sacro sancto Constanciensi concilio ad id in Spiritu Sancto congregato aliquamdiu sumpmo opere laborantibus, prefatus Johannes banus premissa eius fidelia obsequia propensius adaugeri satagens huiusmodi nostrorum perarduorum agendorum qualitate considerata beneficiorum a nostra maiestate largiflue perceptorum non immemor, accepto secum decenti nobilium natorum, suorum utputa familiarium apparatu celsitudinem nostram honore cum ingenti partibus in illis visitando inibique serenitatis nostre lateri continuo assisstendo claritati nostre in conspectu diversorum principum et dominorum ad tanti cepti salutiferi operis felicem consumpmationem ex variis mundi climatibus confluentium non sine suis expensis sumptuosis servitia placida ad nutum nostre voluntatis sumpme cedentia curavit exhibere. Deindeque non pauci temporis elapso intervallo de nostre celsitudinis gratuito beneplacito ad propria rediens percepta huius regni nostri Hungarie ardua et notabili expeditione ad nostrum regium exercitum, quem tunc animo conterendi protervam rabiem et hostiles insultus perfidorum Tureorum et aliarum nationum scismaticarum, crucis Christi persecutorum, qui eotunc nobis, uti prefertur, agentibus in remotis predictum regnum nostrum Bozne hostiliter subintrando invaserant, instaurandum duxeramus copiosum, non invitus, nec compulsus, sed pro nostri regii honoris exaltatione dictique regni nostri Bozne regnicolarumque eiusdem, ymmo totius orthodoxe fidei tutela et defensione motu proprio unacum suorum carorum fratrum consangvineorum, familiarium et gentium belligerarum notabili turba et caterva accessit viriliter pugnaturus. Qui quamquam in huiusmodi bello cum predictis Tureis et aliis nationibus scismaticis commisso leonina assumpta audacia, veluti atléta fortis in sua proceritate multum animosus nonnullos ex dictis nostris emulis in ore gladii servientis dire neci tradiderit aliosque in terram prostraverit, nichilo- minus tamen tandem, prout placuit exercituum Domino, in cuius manu omnis consistit victoria triumphalis, ipsi nostro exercitui satis sinistra statuentibus prefatus Johannes banus post multa sui bellicosi laboris certamina inter alios nostros fideles barones in area certaminis huiusmodi cum dictis nostris hostibus viriliter decertando per iamfatos Tureos non sine nonnullorum suorum carissimorum fratrum et familiarum dilectorum occisione et interitu captus et in Turkyam abductus, ibi- que dirissime captivitati et teterrimis carceribus mancipatus per continuos quatuor annos et ultra huiusmodi captivitatis mancipium duriter perferre non recusavit. Et licet ipse ob huiusmodi sudorosorum suorum servitiorum merita ab huiusmodi dire captivitatis mancipio nostre maiestatis subsidio non inmerito redimi debuerat, tamen nobis tunc ratione previa in remotis agentibus ex eoque et propter alia ardua agenda regnorum nostrorum notabilem expeditionem concernentia sibi in hac
