C. Tóth Norbert: Zsigmondkori oklevéltár X. (1423) (Magyar Országos Levéltár kiadványai, II. Forráskiadványok 43. Budapest, 2007)

nostris emulis quoddam vulnus letale in suo corpore excidium sue vite indicans perferre non expavit. Nichilominusque demum nostra maiestate pro sacrosancte Romane ac universalis ecclesie sacrique Romani imperii status reformatione et a diu desiderate unionis ordinatione, que iam divini consilii Providentia effectum sortita fuit et est concupitum, in Alamanie partibus et presertim in sacrosancto generali Constanciensi concilio ad id in spiritu sancto congregate sumpmo opere et laboribus sarcinosis humeris nostris regiis impositis pro felici ipsius óptate unionis confirmatione ardenti desiderio laborante primum idem Mathyus et dehinc ipse Emericus honore cum ingenti nostram visitando celsitudinem maiestati nostre in quamplurimum principum, dominorum et magnatum nobis eo tempore in diversis mundi partibus et presertim in Francié, Aragonie et Anglie regnis hincinde proficiscentibus assistentium obtutibus non módica servitia celsitudini nostre placibilia exhibere non obmiserunt. Postremo siquidem et ultimo maiestate nostra animo evellendi et extirpandi diu ab ecclesia dampnatos heretice pravitatis fautores et imitatores puta Bohemos in predicto paterno regno nostro Bohemie pululantes, qui a veritatis et orthodoxe fidei via, quam eorum primitivi laudabiliter tenuerunt et coluerunt, deserta et postposita quandam viam erroneam et ab ecclesia universali et catholica dampnatam, quam primum quidam Johannes Wykleph et ex post alter Johannes Hwz ipsius heresis cultores propterea incinerati et in eorum et suorum sequatium perpetué dampnationis interitum dogmatizare veriti non fuere, imitari machinantes innúmeras ecclesias, monasteria et claustra diversorum ordinum ad cultum et laudem nominis divini mirifice fabricatas et constructa in contemptum divine maiestatis evertendo et conburrendo imaginesque cruciferi domini nostri Jesu Christi eiusque intemerate genetricis virginis Marie ac omnium sanctorum et sanctarum dissecando et dirumpendo innumerabilium Christianorum laureis martirum coronandorum sanguinem effunderunt, aliaque dampna indicibiha et nephanda malorum genera dampnabiliter perpetrarunt, ad idem regnum nostrum Bohemie accedente et ibidem non pauxilli temporis intervallo affectibus sudorosis per maxime laborante prefati Mathyus et Emericus comités cum eorum nobilium huius regni notabilium et valentium familiarium caterva decenter fulciti nobiscum procedentes nostroque lateri regio adhérentes etiam inibi non sine carissimorum fratrum et dilectorum familiarium suorum morte et sanguinis effusione grandiumque expensarum expositione ampliores et placibihores nostre regie sublimitati genera servitiorum ostenderunt et quid amplius de ipius Mathius, qui a sue adolescencie evo in aula nostra regia educatus extitit et commendabiliter conversatus, ac Emerici fratris sui virtuosis actibus ac sumpme attollendis obsequiis, quorum non est numerus longo sermone obducimus aures auditorum, quoniam iidem varios virtutum modos virtutibus adaugere cupientes in cunctis nostris et regni nostri validis agendis et arduis expeditionibus iuxta status rei decentiam et honoris nostri uberrimum incrementum suorum probabilium actuum virtuositate adeo studuerunt se nostris beneplacitis conformare, quod noster regius animus in ipsorum virtuosis obsequiis mitissime conquievit, propter que dignum arbitran-