Borsa Iván: Zsigmondkori oklevéltár IX. (1422) (Magyar Országos Levéltár kiadványai, II. Forráskiadványok 41. Budapest, 2004)

Dauid fia: Symeon meg Twlus-i Mátyás fia: János jelenlétében primo portionem

1 annotati Iohannis filii Mathie in dicta Twlus habite

1 salva rémanente locum sessionalem seu curiam ipsius Dominici filii Stephani propriam ibidem habitam in longitudine ad quadraginta duo, in latitudine vero ad trigintaquinque brachya regalis mensure mensurassent; dehinc autem arbores fructiferas iuxta dictam curiam ipsius Dominici cum longitudine ad partem orientis tendendo, quarum latitudo cum uno fine ad meridiem, cum alio vero fine ad partem australem adiaceret, directe per medium sequestrando incepissent ab occidente inter dictas plagas meridionalem et australem circa quendam alveum, in quo tempore pluvioso aqua flueret, ab una antiqua arbore Salicis, penes unam semitam erbosam existentem, que de curia ipsius Dominici exiret et ad partem meridiei usque ad predictam arborem Salicis veniret incipiendo a dicta arbore et per eandem semitam erbosam directe versus plagam orientalem veniret ad fluvium Heyow pars a meridie versus opidum Mochy existens ipsi Georgio, pars autem ab australi parte adiacens annotatis Dyonisio et Benedicto cessissent. - Tandem pro loco sessionali ipsi Georgio filio Nicolai Cynege duas sessiones seu curias iobbagionales ultra lutum in medio ipsius ville existentes in eodem ordine, in quo curia ipsius Dominici existeret, unam desertam, in qua alias quidam Sebastianus residentiam fecisset et aliam, in qua Stephanus dictus Santha resideret, in longitudine et latitudine similiter tantundem, sicuti curia prescripti Dominici se extendisset, députassent, que cum uno fine in longitudine extenderet se ad meridiem, cum alio autem fine ad australem partem, cuius latitudo iaceret ad orientem et occidentem partes. - Post hoc vero loca sessionalia iobbagionalia ipsis partibus taliter députassent, quod in dicto ordine a rivulo Tekes, qui penes curiam ipsius Dominici flueret, a parte orientali incipiendo pro locis sessionalibus usque ad predictam domum dicti Sebastiani desertam et ex opposito earundem a parte opidi Mochy penes fossatum cuiusdem molendini, ubi alias capellam fuisse asseruissent, a parte orientis incipiendo versus plagam orientalem usque ad predictum lutum prelibatis Dyonisio et Benedicto, a domo autem antedicti Stephani Santha, quam pro loco sessionali prefato Georgio Cynege assignassent, in eodem ordine versus plagam occidentis usque quandam fontem, ubi alias puteus extitisset, pro locis sessionalibus iobbagionalibus memorato Georgio Cynege assignassent. - Deinde autem terras arabiles taliter distinxissent, quod primo in terris Magasthelek ultra fluvium Beretwa existentibus alias Dauid de Nyek pro omagiis seu emenda capitum duorum hominum impignoratis incepissent a parte meridiei in fine superiori dictarum terrarum prope quandam viam ad metas de Emeud ducentem et inter orientalem et occidentalem plagas usque metas possessionis Nyek predicte procedendo quinque cordas et duo brachya, quarum cordarum quelibet viginti quatuor brachya regalia in se contineret et in medio itidem sex cordas, ac in fine inferiori a parte predicti fluvii Berethwa similiter quinque cordas et per longitudinem earundem a parte occidentali a metis possessionis Emewd predicte incipiendo usque predictum fluvium Berethwa viginti quatuor cordas mensurassent, quarum terrarum directa medietas a parte possessionis Nyek prefato Georgio Cynege, reliqua vero pars a parte meridionali annotatis Dyonisio et Benedicto pro portionibus devenisset. - Item terram Homogfelde nominatam incepissent a parte meridiei a dicta via Mohy et directe ad partem australem usque fossatum magnum procedendo duodecim cordas in longitudine et in latitudine eiusdem incipiendo a terra Felyarofeld vocata a parte orientis versus plagam occidentalem usque pratum magnum penes ipsum fluvium Berethwa existens