Mályusz Elemér: Zsigmondkori oklevéltár VII. (1419–20) (Magyar Országos Levéltár kiadványai, II. Forráskiadványok 37. Budapest, 2001)

1419 február eleje 51 74 (Febr. eleje.) Pozsony város folyamodványa [Zs.-hoz]. Tudomására hozzák dye sachen da ewer stat ze Prespurgk var abgenomen hat vnd tegleich ab nimpt. Primo: ameddig külföldön volt vnd var des eczleich jar hab wier nye kayn guet weynjar gehabt mit vnserm erb.

1 Item wier verderben auch vans zehends wegen, als der all jar gen Gran gefuert sal werden, der wiert kaufft vnd pleybt pey vns vnd in der gegenhayt, vnd da man vnser weyn verthuen sal, da verthuet man den zehnden. Item man helt vns an eczleichen enden in dem land nicht pey vnserm freythum vnd pey kunichkleichen prieffen van der mawt wegen. Item der Slandersperger weert vns zw Strassen wyeder ewer stat freythum, darvmb hab wier gethan fuer ewer gnad gen Passaw ayn rays mit IUI pherden, facit lb. XL. Item gnediger her, ewer stat Prespurgk hat pesunder van dem Rawhenwarter grosse merckleich Scheden entphangen, wenn er dye stat nach seynem gericht in grosser geltschult hat gelassen. Item wier haben van seynn wegen verzert mit grossem raysem innerlands vnd ausserlands. Item fuer vnsre gnedige fraw dye kunigin gen Offen ayn rays. Item zu den lanthern gen Offen ayn rays. Item gen Tyerna ayn rays. Item zu dem erczpisscholff gen Gran II rays. Item zu dem erczpisscholff in dye Eyseneyn stat ayn rays. Item fuer ewer gnad gen Ost ayn rays. Item fuer ewer gnad gen Parys ayn rays. Item fuer ewer gnad gen Costnicz czw rays. Item wier haben grosse zerung gethan van der korhern wegen vmbs weynschencken. Item gen Cosnicz ayn rays. Item gen Gran IUI rays. Item gnediger her, ewer stat Prespurgk verdibt grossleich van der Österreicher wegen, dye fuern ire weyn ins land gen Vngern vnd füllen dye gegenhayt gonhalb vnd disshalb Thuna vnd pesunder in der Schütta, das wier vnserr weyn all jar clayn mügen geniessen. Item dye Ossterreicher habent vns verpoten, das wyer kayn weyn gen Osterreich thürn fuern vnd habent vns all Strassen durch ir land niedergelegt, das kayn Pehmer nach kayn Merher durich ir lant van vns nicht mag fuern, wye wol es duch van alter her vns alczeyt frey ist gewesen. Item dye Wyener wollen vns kayn thawfeln nach holcz ze kueffen her ab lassen gehen, da van wier all jar an vnsern weyn grosse Scheden muessen nemen. Item dye Österreicher fuern all ir kauffmanschacz ins land gen Vngern vnd all hendel vnd genies, dye wier im land vnd pesunder in der Schuetta vnd in der gegenhayt vmb Prespurgk haben sulln, den selbigen genies habent sye. Da van dye stat ze Prespurgk vnd das gancze land mercleiche Scheden entphet. Item dye Wyener habent ayn newung gemacht ze Wyen, d[as] kayn gast mit dem andern nicht handeln thar, ausgenomen dye jarmerck, vnd was wier czwisschen jarmerckten handien welen das mues wier thuen mit aynem Wyener. - Más kézzel pótlólag az első lap alsó részén: Item waz wir gen Bien (Wien) pringen, wellen sew uns nicht bider davon(?) lassen furn. Item rayf choln holz gemarck allerlay Wilprett. Item von den stain von Meherstrass. Item von der Biner vicher in daz lant liget [...] macht. Item daz sew auch unser vicher nicht auf den marckt gen Wien lassen hintriben ist ein newn. - Item da vnser gnedige fraw dye kunigin zum ewren gnaden auff an Reyn zogen ist, hat vns ir gnad zu geschickt zwelf lanthern, dye hab wier gespeist VIII tag iczleichen mit ayner pesundern kuchen. Item wier haben vnser gnedige fraw dye kunigin ze Kocze gespeist vnd sint mit irn gnaden gezogen hincz gen Wyenn mit LX pherden auff vnser aygne zerung. Item da vnser gnedige fraw dye kunigin wyeder ins land zogth mit dem Bischolff van Passa, mit herczog Ludwygen vnd mit andern lanthern, hab wier mit irn gnaden verzert XII

C kamergulden: fl(oreni) per C d(enarios) XII

C

. Item dye zway phert, dye wer ewern