Antonius Fekete Nagy: Monumenta rusticorum in Hungaria rebellium anno MDXIV (Magyar Országos Levéltár kiadványai, II. Forráskiadványok 12. Budapest, 1979)

MONUMENTA

vnd dar mit zben quetschling auch danck ich euch mit zampt meinner 5 hausfraun euer guetn quetschling; so wil ich die zbenn dem Philippn auch haltn pis auff sein zuekunfft. Van wegnn eucher prieff hab ich geschickt dem Philippen pei einnem gbisn fuerman mit zampt meinem prieffen vnd hab dem Philippen ein trichl vnd ein pintl mit hin eingeschickt das ich habt es wartent an 10 allnn schaden geantburt; so wais ich des fuermans namen auch wol da mit es nicht in vergesn sol kummen; so pin ich an allenn zbeifl ich het lengst ein antburt van dem Philippen gehabt, wan imb die äugen nicht weteten. Man hat mier gesagt das er gar nix siecht selichn wetagn hab er dar an. Got geb, das nicht also were, ich habt ich weis in kreicz innen15 wernn. Auch wist das mier nach kam schreiben nicht ist wartent das euch zue gehert, wiert mier aber schreiben kumen, sol euch mit dem ersten geantburt weren, so es miglich ist. Auch kan ich euch fuerbar nix zw versten geben van wegn der zuekunfft des hern margraffn wegn, wan man hat Inn. 4 mier wol van fernn gesagt, er kum erst auff die phingstn. Was ich nicht fuer ein warhait fuerbar nene mar seind vil vorhandenn, seind aber nicht nach dem pesten vnd ist doch laider war, es ist herzog Kristoff mit vil guetn hernn vnd ritteren in Eriaul zogn, vnd habn die Klausen vnd Peischel dorff Glemann weiden vnd was darvmb ligt stet 25 vnd margkh vnd Sand Daniel vnd alles das was herderhalb der Tulment ligt habn si als gbunnen vnd habn sych geben dar nach haben dan iber das wasser hin iber geruckht Speneberg vnd auff Schzizeil zw die selbigen zbo stet habn sy auch gebnn, da habn si nun weitter wellen hin ein rucken gen Tarfis zue. Do seind die wolchen in der kämm auff gbessen 30 vnd haben die deutschen iber follen und habn gefangen pei 150 der gresten vnd pesten hernn vnd den herzog Kristoff gar ser gebundt vnd darnach pei denn 300 erschlagen; dar nach, da seind die anderen stet selich slacht innen war[den] das die deutschen vnder seind gelegn ist gancz Priaul wider vmb gefallnn vnd ist mie vnd arbait. 35 Es ist laider war vnd ist ein gross geschrai gebessen, aber iecz ist es gar gestilt; abz man sagt iez das der kaisser in der Neustat ist vnd man wart sein gen Wienn. Item van wegnn der Tircken sagt man das si mit groser macht auff seind, ober man wais nicht wo si hin wellen, aber ich schreibs nur als ichs gehert hab, wie wol si stecz in Krabaten her aus 40 rucken mit tausendt man zw zeiten mit mer, zu zeiten weniger; si schaffn aber nix wan vnsser schaczmaister ist stecz inden vnd hat auch so vil folcks, das si nicht vil migen schaden thuen. Aber vnsser patriarch von Gran hat vil gueter legaten vnd pischolff mit imb pracht vnd doctores von Rom, die imb der heilig fater papst 45 hot zue gebnn vnd selich grosse gnod, das er das kreicz aus gibt auff die Tircken vnd als man sagt das pis auff den tag dato des prieffs iber die XV tausendt man die das kreicz habn auffgenumen vnd das folckh laufft erst recht zue. So wil der kardinal erst sein leit ausschicken in Pechm vnd in Pollen vnd in Preissen vnd Reissnn, in Sibnburgen, in 50 die Walachai vnd wo er dan gbalt hin haben wiert das man an den selbigen enden auch das kreicz sol aus gebenn. 26 dan supra scr. 11 36 post kaisser del. aliquid 11 41 post auch del. aliquid