Antonius Fekete Nagy: Monumenta rusticorum in Hungaria rebellium anno MDXIV (Magyar Országos Levéltár kiadványai, II. Forráskiadványok 12. Budapest, 1979)
MONUMENTA
vos necessario revolventes, ne successivis temporibus circa mactacionem talium magnorum piscium hic Bude pro curia maiestatis nostre ac dominorum regni que huius nobilium, qui plerumque fréquentes apud nos existunt ac tota re publica huius ipsius civitatis nostre non mediocris caristia et penuria earum rerrum, si ipsi magistri carnifices in hoc impedirentur, fieri posset aliisque pluribus bonis respectibus et ex causis et maxime iuribus ipsorum magistrorum carnificum ita exigentibus talem iudiciariam deliberacionem inter ipsas partes perpetua duraturam superinde fecissetis, cuius quidem vestre iudiciarie deliberacionis tenor maiestati nostre in specie presentatus hanc in se habet continenciam: Seguuntur litterae civitatis Budensis die 29 Novembris anno 1509 datae. Igitur supplicatum maiestati nostre extitit humiliter pro parte eorundem magistrorum carnificum Theutunicorum, ut huius modi latam per vos partes inter prefatas sentenciam et iudiciariam vestram deliberacionem ratam, gratam et acceptam habere ipBosque exponentes in eadem vestra iudiciaria deliberacione conservare dignaremur. Nos igitur qui subditorum nostrorum iura et commoda, iusta ac legittima maxime respectu utilitatis publice promoveré et manu tenere ex debito regiminis nostri tenemur, in animo denique nostro regio hinc inde revolventes illa fidelissima servicia, que ipsi magistri carnifices pro ipsorum possibilitatis exigencia in proxime pretérita estate tempore tumultuacionis et disturbii rusticorum et hominum popularium sacre imprimis huius regni nostri corone ac deinde nostre maiestati pro defensione et custodia huius ipsius civitatis nostre Budensis non parcentes rebus et personis ipsorum exhibuerunt, accepta huius modi supplicacione pro parte eorundem exponencium nobis porrecta prescriptam vestram iudiciariam deliberacionem et latam per vos — ut prefertur — inter predictas partes sentenciam eatenus, quatenus rite et legittime lata extitit in omnibus suis cunctis, clausulis et articulis ratam, gratam et acceptam habentes eandem perpetuo valituram roborandam et confirmandam duximus, immo roboramus et confirmamus presencium per vigorem dantos et concedentes eisdem magistris carnificibus et posteritatibus eorum omne illud ius, si quod in locacione fixoriorum eorundem magistrorum carnificum utcunque haberemus aut nostram ex quibuscunque causis, vus, modis et racionibus concerneret maiestatem per eos perpetuo tenendum, possidendum pariter et habendum. Quocirca fidelitati vestre harum serie firmiter precipientes committimus et mandamus, quatenus prefatos magistros et eorum successores presentes et futuros universos in huius modi ipsorum iuribus et privilegiis vigore prescripte vestre iudiciarie deliberacionis conservare et manu tenere ipsosque in eisdem contra quoslibet illicitos impetitores tueri semper et protegeré modis omnibus debeatis et teneamini auctoritate nostra regia vobis in hac parte attributa ac iure et iusticia mediante salvo iure alieno secus non facturi presentes autem, quas secreto sigillo nostro — quo ut rex Hungarie utimur — impendenti communiri fecimus, post earum lecturam reddi volumus presentanti. Datum Bude die Dominico proximo post festum exaltacionis sánete crucis anno Domini millesimo quingentésimo décimo quarto regnorum nostrorum Hungarie etc. anno vigésimo quarto, Bohemie vero quadragesimo quarto.
