Antonius Fekete Nagy: Monumenta rusticorum in Hungaria rebellium anno MDXIV (Magyar Országos Levéltár kiadványai, II. Forráskiadványok 12. Budapest, 1979)
PRAEFATIO
cembris eiusdem anni; qui porro tantum mense anno que certi, die videlicet incerti sunt, post diem ultimum eiusdem mensis subsequuntur. Fontes, qui non tantum unum sui iuris textum in se continent, secernuntur et quisque textus iuxta datum suo loco inseritur. 2. De textum publicandi modo a. Quisque integer textus per ordinem iuxta locum accepit numerum Arabicum, quo idem citari potest. b. Datum modo, quo nostris temporibus scribi solet, inscribitur: annus (numero Arabico), mensis (litteris), dies (numero Arabico) et locus, quo datus est textus, nomine Latino, aut — si tantum vulgari lingua nomen habet — per textum citato et ad orthographiam sermonis patrii nostri hodiernam transformato. c. Regesta textus sensum verbis compressis brevissima exprimunt. Singula regesta a nomine auctoris litterarum capiunt initia. Omnia regesta cum numero datoque in Indice tenoris invenire potes. 3. De descriptione fontium a. Fontis materiam, eiusdem statum, longitudinem latitudinemque describimus. Si fons ille ex copia photographica sumitur, de materia eiusdem tantum pronuntiamus, quantum videri potest. b. Sigillum et eius color, status, modus affigendi nosci hie, imagines multorum photographicae in Tabula sigillorum inveniri possunt. Si tantum fontis copiam manu scriptam habemus, loco sigilli eadem describitur. Si textus alii textui est insertus, vice descriptionis materiae sigillive eundem transcriptum esse significatur. c. Instar signaturae nomen instituti, quod fontem ilium asservat, subordinata et intra uncos antiqua signatura dantur. d. Quibus tempore et loco publicatus sit ille textus integer aut in formam regesti sit redactus, separatim numeratur. Si textum ex editione seu regesto edere debemus, ilium ad litteram (maiuscubs tarnen et interpunctione neglectis) exscribimus et ex descriptione fontis tantum editionem vel regestum damus ac post intra uncos signaturam ab editione vel regesto nobis persuasam significamus. e. Commentarius, qui fontem integrum eiusdem que fidem describit ac tractat, commemoratur. f. Quae ad integrum fontem pertinenda duxeramus, annotavimus. Tituli librorum, qui fontis editionem, regestum et de eodem commentarium continent, per compendium scribuntur, integros autem eorum titulos e Conspectu operum hoc libro laudatorum comperire potes, ubi codices diplomatici, sicut inscribuntur, opera, in quibus sola regesta vel partes narrativae insunt, ex nominibus auctorum atque opuscula diversls periodicis vulgata ex titulis ipsorum periodicorum incipiunt et citantur. Fontes paris supparisque textus singuli ad valorem enumerantur et modo simili describuntur. De fontibus eundem textum habentibus, quomodo inter se cohaereant, stemma genealogicum delineatur.
