Franciscus Dőry: Decreta Regni Hungariae : Gesetze und Verordnungen Ungarns 1301–1457 (Magyar Országos Levéltár kiadványai, II. Forráskiadványok 11. Budapest, 1976)
Decreta
tentur denarii novi pro tempore currentes et centum ipsorum denariorum maiorum valeant unum florenum auri, ipsorum autem denariorum monete quarting nuncupate, eo quod iam, ut premittitur, pro decem centenariis denariis ipsius monete quarting unus florenus auri cambitur, ipsi decem centenarii denarii pro predicto uno floreno auri et pro unoquoque dictorum denariorum prefate maioris nostre monete decem denarii cursum habeant ac in cunctis mercantiis necnon venditionibus, forizationibus et emptionibus quarumlibet rerum venalium recipiantur, universique et singuli proventus tam videlicet nostri regales, quam ecclesiarum ac aliorum quorumcunque puta lucrum camare nostre ac decimé ecclesiarum, tributa et quelibet collecte necnon [rjedemptiones litterarum predictarum solvantur et exigantur cum dictis denariis maioribus, ita ut in quibuslibet solutionibus, ubi unus denarius ab olim dari consuevit, ibi de cetero unus denarius predicte ma[ioris mojnete nostre aut loco cuiuslibet huiusmodi denarii decem ex dictis minoribus denariis monete quarting predicte solvantur et ubique recipiantur contradictione et renitentia sine omni. Quocirca vobis fideli[bus] nostris predictis prelatis et baronibus nostris universis, necnon comitibus, castellanis, nobilibus ac vestris officialibus, item prefatarum et aliarum quarumlibet nostrarum aliorumque quorumvis vestrum civitatum, opidorum, p[os]sessionum et villarum rectoribus, iudicibus utputa et villicis, cunctis etiam tam regnicolis nostris, quam forensibus, maioribus utputa et minoribus, cuiuscunque status, gradus et conditionis existant, harum serie firmissime et districtissime precipiendo iniungimus, ut vos et quilibet vestrum in solvendis quibusvis collectis antefatis expediendisque, exponendis, faciendis et exigendis quibusübet pecuniariis solutionibus iuxta premissam nostram ac vestram scilicet prelatorum et baronum nostrorum potiorumque prefati regni nostri procerum, iudicumque et iuratorum prefatarum civitatum nostrarum dispositionem et limitationem modo prenotato factam ubilibet in pretacto regno nostro Hungarie et partibus eidem subiectis, presertim vero in nundinis seu foris annualibus et ebdomadalibus, tam videlicet in nostris, quam vestris civitatibus, opidis et villis celebrandis in quibusvis venditionibus et emptionibus huiusmodi monetam nostram seu denarios maiores pro denariis novis nominare et vocitare ac semper ad numerum seu valorem eorundem forizare seu forum facere, sicque valorem seu pretium ipsorum maiorum denariorum nostrorum, si eosdem in promtis non habueritis seu non habuerint, cum dictis minoribus denariis prefate monete quarting exsolvere debeatis et teneamini adimplere sub pena detentionis personarum et ablationis huiusmodi pecuniarum aliarumque rerum venalium vestrarum aput vos reperiendarum, quarum a transgressoribus huiusmodi nostre voluntatis et mandati aufferendarum in tres partes dividendarum unam partem inventoribus seu acusatoribus talium transgressorum, aliam vero partem comitibus parochialibus in provinciis puta extra civitates liberas, in civitatibus autem liberis iudicibus earundem, receptoribus scilicet ipsarum pecuniarum atque rerum et tertiam partem fisco nostro regio cedere, aplicare et provenire volumus et mandamus, et hoc volumus ubique in dicto regno nostro palám facere proclamari. Secus igitur in premissis facere nequaquam ausuri. Datum Bude in festő beatorum Fabiani et Sebastiani martirum, anno domini millesimo quadringentesimo tricesimo secundo, regnorum nostro [rum] anno Hungarie etc. XLmo quinto, Romanorum vigesimo secundo et Bohemie duodecimo.
