Rácz György: A Jáki Apátság és kegyurai a középkorban (Budapest, 2022) - Doktori disszertációk a Magyar Nemzeti Levéltárból 1.
FÜGGELÉK
procuratoriis litteris capituli ecclesie castri Ferrei ab una, parte vero ab altera Nicolaus filius Nicolai de Tyakmonostora, Johannes filius Nicolai ac Petrus filius alterius Nicolai de eadem, pro se similiter personaliter et pro Jacobo filio Pauli idem Petrus cum procuratoriis litteris dicti capituli castri Ferrei coram nobis constituti, per eosdem magistrum Johannem filium Johannis et iamdictam Michaelem de Chaford confessum extitit et relatum ministerio vive vocis in hunc modum, quod ipsi videlicet magistri Johannes filius Johannis personaliter ac Michael de Chaford in personis iamdictorum Nicolai et Stephani filiorum Andree vigore et auctoritate prefatarum litterarum procuratoriarum possessionem Tyakmonostora vocatam, quam ordine iudiciario ab eisdem Nicolao, Johanne, Petro et Jacobo requirere et reoptinere voluissent, per compositionem et ordinationem proborum et nobilium virorum ipsis Nicolao, Johanni, Petro et Jacobo ac eorum heredibus et posteritatibus universis perpetuo et irrevocabiliter tenendam, possidendam et habendam pacifice et quiete ac sine litigio aliquali reliquissent et permisissent imo reliquerunt et permiserunt nostri in presentia. Et insuper eedem partes sese mutuo et alternatim super universis iudiciorum gravaminibus, in quibus hactenus contra sese convicti extitissent et aggravati ac quibuslibet factis potentiariis et interfectionibus hominum quoquomodo usque ad hoc tempora inter eos illatis et perpetratis expeditos et absolutos reddidissent et commisissent ymo memoratus magister Johannes filius Johannis personaliter ac prenotatus Michael de Chaford in personis iamdictorum Nicolai et Stephani filiorum Andree dicti auctoritate procuratoria, necnon prefati Nicolaus filius Nicolai, Johannes filius Nicolai et Petrus filius alterius Nicolai personaliter ac idem Petrus in persona prenotati Jacobi filii Pauli similiter premissa procuratoria auctoritate reddiderunt et commiserunt nostri in presentia, tali vinculo interscripto, quod si qua partium partem alteram temporis in eventu super premissis omnibus in causam atraheret, tunc talis pars contra partem alteram in ipsa concordia pacifice perseverantem in pena succubitus duelli facti potentialis convinceretur ipso facto, ad quod prefatus magister Johannes se personaliter ac prenominatus Michael de Chaford sepedictos filios Andree vigore dictarum litterarum procuratoriarum, necnon predicti Nicolaus, Johannes et Petrus se similiter personaliter ac idem Petrus prefatum Jacobum fratrem Pauli prenotata procuratoria auctoritate sponte coram nobis obligarunt. Datum in Vyssegrad feria quinta proxima post festum Penthecostes, anno Domini M° CC° LXX° primo. 148
