Csapodi Csaba: Catalogus collectionis codicum Latinorum et Graecorum Bibliothecae Academiae Scientiarum Hungaricae (A MTAK kézirattárának katalógusai 16., 1985)
Praefatio (Latine)
7 XXXIV Latini, IV Italici. Nunc tantum de aliquot horum codicum memorabimus. Veterrimus est codex saec. XII. modice illuminatus, partim quasdam Bibliáé partes, partim opera Sulpicii Severi continens (K 395). Nec multo recentius est Psalterium Argentoratense saec. XIII/1. (K 400). Biblia saec. XTV, diligenter scripta illuminataque ex Gallia orta est (K 399), Minimé neglegendus est "Liber physicorum" Aristotelis propter ea, quae in hoc exstant. Ille codex modeste ornatus, sed scriptura humanistica elegantissime exaratus "Librum physicorum" ab Andrea Bilio Mediolanensi Latiné redditum complectitur, quae interpretatio raro inveniri potest (K 463). Post comitis Vigyázó dona Collectio Manuscriptorum tantum paucis codicibus emptis tardius augebatur, sed fragmentis pluribus aucta est, quorum alia Paulus Lehmann Budapestini alioquando investigando ex relictis Ferdinandi Knauz in Collectione Manuscriptorum asservatis et tum non exquisitis, alia et quidem manuscripta notarum musicarum ex iisdem relictis anno 1941 Fridericus Teller elegit. [4] Ex hucusque dictis videtur pars "Latin Codex" Collectionis ab initio haud consequenter composita esse. Inconsequentia deinde amplior facta est, postquam photographiae codicum, immo vero duo Mexicani codices in facsimilibus editi hue provenerunt. Haec dispositio circiter ab anno 1950 longius conservari non potuit, quod Bibliotheca Academiae et Collectio Manuscriptorum denuo sunt constitutae, et locis supellectilibusque novis factis manuscripta pretiosissima in conclave flammis inviolabili, quod aeratum dicitur, collocata sunt. In illo conclave parvulo rescripta recentiora codicum pretii minoris et alia similia recondi non potuerunt, itaque haec in aliis receptaculis Collectionis Manuscriptorum, sub aliis novisque signaturis deponi oportebat. Item ex parte "Latin Codex" excepta sunt, quae sive parte "Magyar Codexek" (Codices Hungarici)nuper disposita,[5] sive catalogo publico manuscriptorum Germanicorum medii aevi perfecto[6] in collectiones alias separata sunt (K 32, K 532 - K 540). Codices Latini, qui supererant, novas signaturas aeeeperunt, littera K significando collectiones in illo conclave collocatas; ex Collectione Fragmentorum his codicibus addidimus fragmenta codicum nonnulla, quae iam definita et partim publicata sunt; [7] indefinita autem ex parte "Latin Codex" inter fragmenta transposuimus. Ad fragmenta permulta, quae in Collectione Fragmentorum asservantur, definiend a tantum in publice definiendis publicandisque fragmentis res venire poterit, sed his perficiendis per multa decennia praeeipuam operam tribuendo. Collectionem Fragmentorum enim in Collectione Manuscriptorum ita instituimus, ut locus provisorius sit servandorum ordinandorumque fragmentorum permultorum, quae vei manu scripta vel typis excussa in libris restaurandis saepe proferri solebant; et ex eodem loco prolata fragmenta sub eadem T signatura sunt: sic videbatur nobis ad posterius definiendum investigandumque stabiliter ac certe constituere, unde et quibuscum coniuncta haec fragmenta prolata essent. Nunc in praesens catalogum collectionis "Latin Codex" perficere nobis placitum est, quod iam pridem ad munera Collectionis Manuscriptorum festinanter ab3olvenda pertinebat. His adiuneta sunt fragmenta Graeca XIII, quae anno 1973 in relictis Iulii Moravcsik omnia ab eodem iam publicata in Collectionis possessionem venerunt (K 488 r K 500).[8]
