C. Tóth Norbert (szerk.): Documenta ad historiam familiae Bátori de Ecsed spectania I. Diplomata 1393-1540 - A nyíregyházi Jósa András Múzeum kiadványai 67. (Nyíregyháza, 2011)
Oklevelek
Oklevelek 65 regni nostri Hungarie corone hostes et rebelles instauratis atque in diversis exteris partibus et regionibus per Alamaniam altam et bassam, necnon Francié, Anglie, Aragonie regna decenti et honorifica familiarum suorum comitiva bene fulcitus una cum nostra maiestate procedendo persone rebusque et bonis suis non parcendo adversitatibus et periculis se et sua pro nostre celsitudinis honore exponere non pertimescens nobis et sacre regni nostri Hungarie corone placidos semper exhibuit famulatus, tenemusque a certo eum inantea eo ferventius et cum maiori fidelitatis constantia nostris obsequiis insudare, quo sibi et suis votis in aliqualem reconpensam premissorum suorum servitiorum, pro quibus utique a nostra sublimitate maioribus mereretur antidotorum donis premiari, nostram serenitatem sentiet fore favorabiliter inclinatam, quasdam portiones possessionarias in possessionibus Gyarmath, Naghar, Kisar et Mathoch ac predio Gaboryanzeg, necnon in possessionibus Nomyn, Chaholcz et Orozy vocatis in comitatu Zathmariensi existentibus habitas ac portionem tributi in eadem Orozy exigi consueti, que Stephani et Iohannis filiorum Ladislai, Demetrii presbiteri filii Demetrii ac Nicolai et Petri filiorum Nicolai, necnon Dominici filii Laurentii et Frank filii eiusdem Dominici nobilium de Mathwchyna propter delationem falsarum litterarum per quosdam ex ipsis nomine omnium aliorum predictorum in iudicio productarum iuridice et sententialiter condempnatorum prefuerunt, ex eoque ad manus nostras regias rite et legittime ac de regni nostri consuetudine ab antiquo observata devolute et redacte fore dinoscuntur, preterea totum et omne ius nostrum regium, quod in pretactis portionibus possessionariis, necnon portione tributi prenotati tam previa, quam aliis quibuscunque modis, causis et rationibus haberemus aut de presenti concernit vel in futurum quomodolibet concernere posset nostram maiestatem, simul cum cunctis ipsarum utilitatibus et pertinentiis, sessionibus scilicet et locis sessionalibus, item iure patronatus ecclesiarum, necnon terris arabilibus cultis et incultis, agris, pratis, pascuis, insulis, fluviis Ticie, Zamos et Thwr vocatis ceterisque aquis, fluviis et aquarum decursibus, piscinis, piscaturis ac lacunis vulgo saro vocatis molendinisque et molendinorum locis, necnon silvis tam glandinosis, quam aliis quibusvis nemoribusque ac virgultis et generaliter quarumlibet utilitatum integritatibus quovis nominis vocabulo vocitatis, ad ipsas portiones possessionarias rite et legittime spectantibus et pertinere debentibus sub ipsarum veris metis et antiquis limitibus, quibus hactenus per earum possessores vero et iusto titulo tente fuerunt et possesse, omni eo iure, quo rite et rationabiliter incumbunt collationi, de manibus nostris regiis annotato comiti Stephano de Bathor ac suis heredibus et posteritatibus universis animo deliberato et ex certa nostre maiestatis scientia dedimus, donavimus et contulimus, immo damus, donamus et conferimus iure perpetuo et irrevocabiliter tenendas, possidendas pariter et habendas salvis iuribus alienis harum nostrarum vigore et testimonio litterarum mediante, quas dum nobis in specie fuerint reportate, in formam nostri privilegii redigi faciemus. Datum in Pesth, in festo Beati Benedicti abbatis, anno Domini millesimo quadringentesimo tricesimo sexto, regnorum nostrorum anno Hungarie etc. quadragesimo nono, Romanorum vigesimo sexto, Bohemie XVI0, imperii vero tertio. A pecsét alatt is.i
