C. Tóth Norbert (szerk.): Documenta ad historiam familiae Bátori de Ecsed spectania I. Diplomata 1393-1540 - A nyíregyházi Jósa András Múzeum kiadványai 67. (Nyíregyháza, 2011)

Oklevelek

Oklevelek

63

luntate confessum extitit nostri in presentia pariter et relatum, quod ipsi propter quietioris, tranquillioris et pacifici status ipsorum comodum et utilitatem in curiis, possessionibus, portionibus et iuribus eorum possessionariis infrascriptis talem fraternalem inter se fecissent et celebrassent divisionem usualem et usualiter duraturam, quod curia eorum paterna et avititia in predicto opido Bathor habita memorato Bartholomeo fratri eorum iuniori, item respectu dicte curie in eodem opido Bathor, in vico parvo seu platea penes ecclesiam parvam et rotundam in honorem Sacratissimi Corporis Christi constructam a plaga occidentali eiusdem ecclesie quatuor sessiones iobagionales, usque videlicet sessionem seu domum angularem eadem domo angulari inclusa pro curia nobilitari1 simul cum reliqua parte platee simplicis ordinis incipiens a dicta domo angulari usque finem eiusdem platee versus plagam septemtrionalem protense annotato Stephano filio Iohannis filii Petri, in linea vero opposita dicti loci curie seu quatuor sessionum iobagionalium ex alia parte dicte ecclesie modo simili simplicis ordinis in fine eiusdem versus plagam meridionalem seu possessionem Waswary protacte una domu seu sessio finalis2 simul cum terris vacuis in eodem ordine existentibus, pro curia nobilitari3 sufficientibus iam fato Thome;

preterea in possessione Mohthen curia paterna et avititia eidem Thome, ceterum respectu huiusmodi curie incipiens a cimiterio ecclesie parochialis ad honorem Sancti Ladislai regis fundate linea utputa versus plagam meridionalem protacta quatuor sessiones iobagionales penes sese locate et situate pro curia nobilitarii fiende ipsi Stephano filio Iohannis filii Petri, item in linea opposita predicte curie ipsius Thome, scilicet a plaga occidentali protensa sessio Michaelis dicti Mohtheny cum reliquis duabus sessionibus ex utraque parte iam dicte sessionis adiacentibus, in toto videlicet tres sessiones prelibato Bartholomeo filio Iohannis filii Petri;

in possessione vero Fabyanhaza alio nomine Bohal nominata curia nobilis, quam scilicet sepefatus Stephanus de novo construi faceret, simul cum ortibus et aliis pertinentiis eiusdem curie eidem Stephano filio Iohannis, item totales portiones possessionarie in possessionibus Fabyanhaza predicta et Eched vocatis habite et ad portionem prefati Thome filii Iohannis filii Petri divisionaliter cesse et devente prenarrato Stephano filio Iohannis et econverso in recompensam et supplementum dictarum portionum possessionariarum totalis portio possessionaria in possessione Zenthmyklos nominata habita ad portionem eiusdem Stephani filii Iohannis filii Petri cessa et deventa sepedicto Thome fratri suo ipsorumque heredibus et posteritatibus universis in forma dicte finalis divisionis usualiter durature cessissent et devenissent.

Ceterum castrum seu locum castri in predicta possessione Eched existens et habitum inter se indivisum reliquissent communiter conservandum.

Item possessiones, portiones et quelibet iura eorum possessionaria in oppido Bathor predicto, necnon possessionibus Waswary, Pooch, Enchench, Lwgas, Letha, Adon, Abran, Kenez, Stanyzlo, Therem, Walay, Kamand, Merk, Fabyanhaza, Eched, Loranthaza, Lewelek, Nyreghaz, Rakamaz, Thymar et Venchellew, necnon Mohthen, Zenthmyklos, Gelwach, Therebes, Dob, Sadan, Ombod, Amacz et tribus villis Volahalibus Kegye appellatis, item Gyarmath, Kysar, Naghar, Chaholcz, Mathoch, Orozy et Nomyn ac Tharpa vocatis in Zathmariensi ac (de) Zabolch et de Beregh comitatibus habitis existentes simul cum inpignoraticiis ac prediis possessiones ad predictas pertinentibus, necnon patronatibus ecclesiarum possessionibus et prediis in eisdem habitarum cum cunctis utilitatibus et pertinentiis earundem, necnon molendinis proventibusque et emolumentis molen-