C. Tóth Norbert (szerk.): Documenta ad historiam familiae Bátori de Ecsed spectania I. Diplomata 1393-1540 - A nyíregyházi Jósa András Múzeum kiadványai 67. (Nyíregyháza, 2011)
Oklevelek
Oklevelek 31 3 1393. augusztus 20. A leleszi konvent privilégiuma arról, hogy Zsigmond király parancsára a királyi ember kiküldöttjük jelenlétében bevezette Bátori János feleségét, Katalint a birtokokba. Foltos hártyán, zöld selyemzsinóron függőpecséttel. DL 8016. (NRA 841-33.) - A hátlapján: Statutoria Gyannath. - Kiadása: Doc. Val. 462. - Regesztája: ZsO I. 3040. - C. T. N. Omnibus Christi fidelibus, presentibus pariter et futuris, presens scriptum inspecturis Dominicus prepositus et conventus ecclesie Sancte Crucis de Lelez salutem in omnium Salvatorem. Ad universorum notitiam harum serie volumus pervenire, quod nos litteras excellentissimi domini nostri Sigismundi Dei gratia regis Hungarie, Dalmatie, Croaţie etc. marchionisque Brandenburgensis etc. nobis directas honore, quo decuit, recepimus in hec verba: Itt következik Zsigmond király 1393. július 15-i oklevele (2). Nos igitur mandatis dicti domini nostri regis obedire cupientes, ut tenemur, una cum prefato Iacobo Parvo de Zarwad homine eiusdem domini nostri regis unum ex nobis, videlicet fratrem Iohannem custodem dicte ecclesie nostre ad premissas possessionarias statutiones faciendum pro testimonio transmisimus, qui demum exinde ad nos reversi nobis voce consona retulerunt eo modo, quod ipsi feria tertia proxima ante festum Assumptionis Beate Marie Virginis1 de novo elapsum ad facies prelibatarum possessionum Mahthyn, Gylvach, Katool in Zathmariensi et Kege vocatarum in Zolnuk comitatibus existentium ac villarum Volachalium ad eandem possessionem Kege pertinentium vicinis et commetaneis ipsarum universis inibi legittime convocatis et presentibus accessissent, ubi legittimis et consuetis diebus permanendo easdem cum omnibus utilitatibus et universis pertinendis ad ipsas spectantibus antefatis nobili domine Katherina vocate, consorti prefati magistri Iohannis filii Petri de dicta Bathor ac Stephano filio et Potentiane filie eorundem iure ipsis incumbenti statuissent perpetuo possidendas nullo contradictore inibi aparente, retulerunt etiam iidem vestre clemencie et noster homines, quod dictus magister Iohannes filius Petri dominus et maritus ipsius nobilis domine et pater iam dictorum Stephani et puelle Potentiane in personis eorundem ipsos ad facies preallegatarum possessionum Zeuleus, Zenthmiclos in Chanadiensi et Keer in Orodiensi comitatibus prescriptis existentium non duxisset, sed magister Iohannes filius Pethew de Zantho pater antelate nobilis domine Katherine, erga cuius manus, uti idem inibi personaliter adherens affirmasset, nunc ipse possessiones haberentur, et magister Stephanus filius Ladislai de Pelyske frater condivisionalis eiusdem, scilicet magistri Iohannis filii Pethew ipsis taliter asseruissent, ut ipsos nec nunc, nec postea in futurum a statutione dictarum possessionum Zeuleus, Zenthmiclos et Keer pretitulate nobili domine Katherine ac filio et filie eiusdem fienda prohiberent, sed eandem nobilem dominam ac proles eiusdem predictas in dominium earundem possessionum intromitterent et intromisissent coram ipsis. In cuius rei memoriam firmitatemque perhempnalem presentes litteras privilegiales nostras pendentis sigilli nostri munimine duximus roborandas. Datum in festo beatissimi regis Stephani, anno supradicto. Aug. 13.i
