C. Tóth Norbert (szerk.): Documenta ad historiam familiae Bátori de Ecsed spectania I. Diplomata 1393-1540 - A nyíregyházi Jósa András Múzeum kiadványai 67. (Nyíregyháza, 2011)
Oklevelek
Oklevelek 301 de eadem Bathor frater suus carnalis, necnon Ioannes de Peren et Gabriel filius eiusdem prescriptum castrum Zynyr ac ipsum oppidum Meggyes una cum cunctis earundem pertinendis prenarratis pro se minus iuste et indebite ac contra iura successionis prelibatorum exponentium occupassent, occupataque et occupatas inter se ac magnificum condam Bartholomeum Dragphi de Belthwk tunc vaivodam Transsylvanum et in humanis agentem divisissent et hoc modo pluribus annis indebite possedissent, et licet spectabilis et magnifici Stephanus de predicta Bathor huius regni nostri Hungarie palatinus etc., necnon Georgius et Andreas fratres sui carnales, filii scilicet prelibati condam Andre? de Bathor ac Ioannes filius prenotati condam Bartholomei Dragphi tavernicorum nostrorum regalium magister cum prenominatis exponentibus ac aliis eorum fratribus in facto prescriptorum castri et oppidi ac pertinendarum eorundem prenotatarum iam concordaverunt et portiones eorum possessionarias in eisdem habitas iuxta formam huiusmodi concordie superinde stabilite ipsis exponentibus pacifice remiserunt et resignaverint, tamen prenominati condam Ioannes de Peren, quamdiu supervixisset et in humanis egisset, pretactas totales illas portiones possessionarias, que sibi in prenarratis castro et oppido, necnon villis, possessionibus, prediis, portionibusque et iuribus possessionariis ad eadem castrum et oppidum de iure et ab antiquo spectantibus pertinereque debentibus quovis nomine nuncupatis ad partem et portionem suam secundum divisionem prenotatam cessissent, aput se indebite violenterque conservasset, prout eodem Ioanne e medio sublato magnifici Gabriel et Stephanus Pereni filii sui minus iuste indebiteque tenerent et conservarent, et easdem prenominatis exponentibus sepenumero petentibus remittere restituereque recusassent, prout recusarent etiam modo, in quibus premissis salvis actibus potentiariis eisdem exponentibus decem milium florenorum auri damna intullissent potentia mediante in preiudicium et damnum prefatorum exponentium valde magnum. Super quo fidelitati vestrg harum serie firmiter precipiendo mandamus, quatinus vestrum mittatis hominem pro testimonio fidedignum, quo presente Seraphin Bereghi de Papos aut Gáspár de Dengelegh vel Gregorius Thyewdi de Bere sin Michael Kanthor de Hodaz seu Benedictus similiter Kanthor de eadem sive Paulus de Mada ne Laurentius de Carol aliis absentibus homo noster scita prius premissorum mera veritate memoratos Gábrielem et Stephanum de Peren iuxta vim et formam generalis decreti regni nostri inter cetera superinde editi contra annotatos exponentes ad tricesimum secundum diem a die evocationis exhinc fiende computandum nostram personalem evocet in presentiam rationem de premissis reddituros eficacem litis pendentia, si qua foret in ipsos, non obstante, insinuando eisdem ibidem, ut sive ipsi termino in predicto coram dicta nostra personali presentia compareant, sive non, eadem ad partis comparentis instantiam id faciet in premisssis, quod iuri videbitur expediri. Et post hec huiusmodi inquisitionis, evocationis et insinuationis seriem cum nominibus evocatorum, ut fuerit expediens, terminum ad predictum nostre personali presentie antedicte fideliter rescribatis. Datum in oppido Bathor, sabatho proximo post festum Conversionis Beati Pauli apostoli, anno Domini millesimo quingentesimo vigesimo. 1492. dec. 25.i
