C. Tóth Norbert (szerk.): Documenta ad historiam familiae Bátori de Ecsed spectania I. Diplomata 1393-1540 - A nyíregyházi Jósa András Múzeum kiadványai 67. (Nyíregyháza, 2011)
Oklevelek
266 Oklevelek 218 1518. február 6. A leleszi konvent jelenti II. Lajos királynak, hogy 1518. január 1-jén kelt parancsára kiküldöttjük jelenlétében a királyi ember bevezette volna a Bátoriakat Ömböly birtokba és Téglás prédiumba, de az ellentmondók miatt nem tudta, ezért megidézték azokat. Fogalmazvány a mandátum szövege alatt és hátlapján. Leleszi konvent orsz. It., Statutoriae B-333. (DF 211 090.) - A fogalmazvány mellett: utriusque extradata. - C. T. N. Serenissimo principi domino Lodovico Dei gratia regi Hungarie et Bohemie etc., domino ipsorum naturali nobis gratioso conventus ecclesie Sancte Crucis de Lelez orationum suffragia devotarum perpetua cum fidelitate. Vestra noverit serenitas, nos litteras eiusdem vestre serenitatis introductorias et statutorias nobis loquentes preceptorias et directas sumpma cum reverentia recepisse in hec verba: Itt következik II. Lajos király 1518. január 1-jei oklevele (216). Nos itaque preinsertis preceptis et mandatis vestre serenitatis, prout tenemur, obedire volentes una cum prefato Benedicto de Chasar homine eiusdem nostrum hominem, religiosum videlicet fratrem Paulum presbiterum ecclesie nostre conventualem ad premissas introductionem et statutionem faciendas nostro pro testimonio fidedignum duximus destinandum, qui tandem exinde ad nos reversi nobis consona voce retulerunt eo modo, quod ipsi feria sexta, in festo videlicet Beati Vincentii martiris proxime preterito1 ad faciem pretacte possessionis Embel vocate ac predii Theglas, necnon earundem pertinendarum vicinis et commetaneis earundem universis inibi legittime convocatis idem homo vestre serenitatis ipso nostro testimonio ac nobile Nicolao de Pylys, providis Thoma Sigismundi de Bathor in Zthanyzlo et quodam Ladislao nobilis Nicolai de Bogath iobagionibus in Pyryche possessionibus vocatis commorantibus in eorundem dominorum suorum personis presentibus accedendo introduxisset prefatos exponentes in dominium eiusdem et earundem pertinendarum eisdem premisso emptionis titulo incumbenti perpetuo possidendum nullo contradictore in hac parte inibi apparente, sed tandem quindecim diebus nondum adhuc elapsis circumspectus Nicolaus Mangoch dictus familiaris egregii Melchioris de Lonya in eadem Lonya commorans in personis egregiorum Ladislai de Karol ac alterius Ladislai Lancz de eadem Karol et Francisco de Chomokaz huiusmodi introductioni et statutioni dicte Embel et predii Theglas ac pertinendarum eorundem modo premisso flende contradictionis velamine, hic in conventu coram nobis publice obviavit, ob quam quidem contradictionis inhibitionem nos memoratos utrumque Ladislaum de Karol et Franciscum de Chomokaz contra annotatos Georgium, Stephanum et Andreám de Bathor ad octavas festi Beati Georgii martiris proxime affuturas vestre serenitatis personalem evocavimus in presentiam rationem superinde reddituros seriem itaque introductionis et statutionis premissarum, ut fuit expediens, cum nominibus contradictorum et evocatorum personali presentie vestre serenitatis fideliter rescibere duximus. Datum sedecimo die diei executionis prenotate, anno Domini supradicto. Jan. 22.i
