C. Tóth Norbert (szerk.): Documenta ad historiam familiae Bátori de Ecsed spectania I. Diplomata 1393-1540 - A nyíregyházi Jósa András Múzeum kiadványai 67. (Nyíregyháza, 2011)
Oklevelek
260 Oklevelek totales possessiones, videlicet Zenthymre, Zwhadolyna et Karachonmezeye portionesque et iura possessionaria in possessionibus Kerezthus, Rodowan, Meggyes, Pethyecz, Lacza, Balpathaka, Waspathak, Longh, Margonya, Ferenczwagassa, Herlath, Mathewagasa, Walkwagasa, Pethrecz, Lwsanka et Lasso vocatis, omnino in comitatu de Sarws existentibus et habitas simul cum cunctis eorundem utilitatibus et pertinentiis quibuslibet, terris scilicet arabilibus cultis et incultis, agris, pratis, pascuis, fenetis, silvis, nemoribus, rubetis, aquis, fluviis, piscaturis, piscinis aquarumque decursibus et generaliter quarumlibet utilitatum et pertinendarum suarum quovis nominis vocabulo vocitatarum integritatibus ad easdem de iure et ab antiquo spectantibus et pertinere debentibus ac omni eo iure et iurisditionis dominio, quibus ipse easdem habuisset et hactenus per omnia possedisset, prenominato Michaeli de Bwthka ac Petro et Andree filiis eorundemque heredibus ac posteritatibus utriusque sexus universis; econverso vero annotatus Michael de Bwthka in locum et vicissitudinem earundem totalem portionem suam possessionariam Berwey vocatam in predicto comitatu Zathmariensi existentem et adiacentem simul cum cunctis eiusdem utilitatibus et pertinentiis quibuslibet modo premisso specificatis ac eo simul cum omni iure et iurisditionis dominio, quibus videlicet et ipse eandem hactenus tenuisset et possedisset, prefato domino Andree de Bathor ac Georgio et Stephano de eadem Bathor ipsorumque heredibus et successoribus utriusque sexus universis mutuo et in alterutrum dedissent, contullissent et per formam concambialis permutationis inscripsissent iure perhemnali et irrevocabiliter tenendas, possidendas pariter et habendas, immo iidem fratres nostri testimoniales easdem partes dictas possessiones portionesque et iura ipsorum possessionaria prescripta eodem modo dedisse vicissim contullissent et per formam concambialis permutationis inscripsisse retulerunt, prout et idem prenominatus Michael de Bwthka hic in conventu coram nobis dedisse, contullisse et concambiasse confessus extitit, assumendo nichilominus partes prescripte sese vicissim et mutuo in pacifico dominio dictarum possessionum portionumque et iurium possessionariorum successivis semper temporibus sub oneribusque ipsorum in se assumptis contra quoslibet legittimos impetitores, causidicos et actores iuridice tueri, protegere et conservare propriis ipsorum laboribus et expensis tali condicione mediante, quod si qua partium earundem aliquo casu alter alterum in pacifico dominio dictorum iurium possessionariorum premisso modo conservare et defensare non posset, non curaret vel quovis modo nollet, extunc hoc casu una partium alteri suam possessionem portionesque et quelibet iura possessionaria premisso modo sibi invicem concambiata absque ullo litiginario processu ipso facto pure et simpliciter ac integre remittere debeat et resignare teneatur effective hoc annexo, quod ubi aliqua partium prescriptarum dicta bona et iura possessionaria alternatim, ut premittitur, sibi ipsis data et permutata eo in statu, valore et effectu, quo nunc existunt, alter alteri forsitan remittere non posset vel nequiret quoquo modo, extunc pars illa sic remittere non valens vel nequiens in dominium aliarum similium possessionum vel portionum et iurium possessionariorum suorum huiusmodi possessioni vel portioni et iuri possessionario predictis sub predicto statu et effectu aut integritate remitti, ut prefertur, non valentibus vel quoquo modo nequienti utilitate et valore equivalentium partem alteram effective et plena integritate ea reddere et remittere valentem solum vigore presentium mox absque ulla contradictione semota intromittere debeat et teneatur ipso facto et quod utraque pars consimiliter solum vigore presentium sepedictas possessiones portionesque et iura possessionaria in alterutrum sibi ipsis datas et concambiatas occupandi et in dominum earundem introeundi tenendique et possidendi
