C. Tóth Norbert (szerk.): Documenta ad historiam familiae Bátori de Ecsed spectania I. Diplomata 1393-1540 - A nyíregyházi Jósa András Múzeum kiadványai 67. (Nyíregyháza, 2011)
Oklevelek
232 Oklevelek 186 1498. január 25. körül. Az egri káptalan privilégiuma, miszerint Bátori György átadta Bátori Margitnak, Alsólendvai Bánfi Pál özvegyének, az apja birtokaiból járó leánynegyedet és anyja, Tarkői Margit után járó hitbért és jegyajándékot. Kiemelt kezdő sorral, alul, a függőpecsét helyénél kitépett hártyán. DL 20 644. (NRA 842-28.) - A hátlapján keresztben: Expeditoria relicte condam Michaelis Zilagy super Zechew. - C. T. N. Omnibus Christi fidelibus, presentibus pariter et futuris, presens scriptum inspecturis capitulum ecclesie Agriensis salutem in omnium Salvatore. Ad universorum notitiam harum serie volumus pervenire, quod generosa domina Margaretha relicta condam magnifici Pauli Banffy de Alsolyndwa, filia videlicet condam magnifici Stephani de Bathor coram nobis personaliter constituta dixit et sponte confessa est in hunc modum, quod quia magnificus Georgius filius condam Andree filii olim dicti Stephani de eadem Bathor oneribus et quibuslibet gravaminibus Stephani et Andree fratrum suorum carnalium in subscriptis super se assumptis mediantibus litteris magnifici comitis Petri Gereb de Wyngarth iudicis curie regie maiestatis pro omnimoda satisfactione dotis et rerum paraffernalium condam generose domine Margarethe relicte dicti condam Stephani de Bathor, matris sue et iurium quartalitiorum suorum, sibi de universis castris, castellis, opidis, possessionibus portionibusque et iuribus possessionariis prefati condam Stephani de Bathor ubivis et in quibuscumque comitatibus intra ambitum huius Hungarie et Sclavonic regnorum et partis Transilvanie existentibus et habitis, necnon aliis quibusvis iuribus suis eidem, de universis bonis ac iuribus possessionariis, avititiis videlicet et emptitiis, acquisitiis et impignoratitiis sed et pecuniis, argenteriis, clenodiis domorum eiusdem condam Stephani de Bathor patris sui ac rebus mobilibus singulorum dominorum de Bathor iuxta laudabilem huius regni consuetudinem provenire debentium oppidum ipsorum Zechew in Pestiensi et possessionem Beer vocatam in Newgradiensi comitatibus existentem et habitam simul cum cunctis earundem utilitatibus et pertinendis quibuslibet, terris scilicet arabilibus cultis et incultis, agris, pratis, pascuis, silvis, nemoribus, aquis, fluviis, aquarum decursibus, piscinis, piscaturis, molendinis molendinorumque locis, vineis, vinearum promontoriis et generaliter quarumlibet utilitatum integritatibus, quovis nominis vocabulo vocitatis, necnon censibus ordinariis et extraordinariis ad easdem de iure spectantibus et pertinere debentibus sub suis veris metis et limitibus sibi sub condicionibus, obligaminibus et articulis in prescriptis litteris dicti domini comitis iudicis curie contentis et expressis vita sua durante dedisset, tradidisset et assignasset per hocque sibi de prescriptis dote et rebus paraffernalibus ac iuribus quartalitiis suis, necnon aliis universis rebus et bonis mobilibus et immobilibus modo, quo supra superius nominatis et expressis plenam et omnimodam impendissent satisfactionem, ideo ipsa super huiusmodi satisfactione sufficienter contenta prenominatos Georgium, Stephanum et Andreám de Bathor super prescriptis dote et rebus paraffernalibus, necnon quartalitiis et aliis quibusvis iuribus modo primo expressis, quoad portionem suam dumtaxat cedentibus quitos, expeditos modisque omnibus absolutos reddidisset et commisisset, universas etiam litteras fassionales et obligatorias et precipue in facto castri Wylagoswar vocati sub quibusvis formis verborum inter ipsam dominam ac prefatos dominos de Bathor ratione quorumcunque negotiorum confectas et emanatas demptis pre-
