Kisparti János: A váci Theresianum története - Váci könyvek 8. (Vác, 1914)
Mellékleten
XIV MELLÉKLETEK VII. Matutino tempore ante preces persolutas, et Vesperi post examen non audiantur clamores, nec colloquia privata fiant: Recreatio post coenam ultra tertium quadrantem ad nonam non producatur. Lumina quadrante post nonam vespertinam extincta sint. VIII. Visitationes externorum extra Collegium non facile permittentur, nisi Parentum; aut qui Parentum loco habendi sunt. Horum in visitatione tria erunt observanda. 1. Ut ab illis, ad quos pergunt, per certum nuncium vocentur, et expetantur, nisi forte non petitos mittere, festi, ut natalis aut onomastici etc. solemnitas suaderet. 2. Ut exeuntem comitetur P. Praefectus, aut honoratus, et fidus aliquis officialis e domo paterna submissus. 3. Visitationes sine litterarum dispendio ut fiant, neque festis diebus eo tempore, quo divina in Sacello, aut Sodalitate peraguntur. Reditus sit tempestivus. IX. Nemo externum, nec quidem Consanguineum, in Collegium, in Cameram Contubernii, aut Camerulam suam inducat sine venia Superiorum, qua habita in destinato ad loquendum Cubiculo cum hospite adveniente, nec nisi vocati, et aliquo Moderatorum, nisi ipsi Parentes adsint, praesente colloquentur. Multoque magis haec servanda erunt, cum foeminae, licet nobiles, et cognatae visitatum venerint. Si nuncii ab externis missi fuerint, ad januam potissimum per famulos excipiendi, et ad P. Praefectum referendi erunt. X. Prohibitis alias lusibus, et sumptuosis abstineant, minime vero lusui, alias etiam permisso, tempore studiorum vacare licebit. Si quando pila, aut alio lusu, quo vires fatigantur, se exercent, quadrante minimum ante Refectionen corporis ludere desinant. XI. Privatae excursiones rarissime admittentur. Extra designata tempora, cum nempe universalis deambulandi facultas datur nulli e Collegio, nec ad hortum quidem sine venia Rectoris prodire liceat. Contubernia singula, seu foris, seu in horto, non nisi praesentibus PP. Praefectis ambulabunt, nemini abesse, aut se separare licebit. Qui legitime impediti abfuerint, domi in suis Cameris detinebuntur. In horto dum recreatio instituetur, audito signo, quod post meridiem, aut post coenam vesperi campana dabitur, omnes statim ad sua contubernia se conferant. In eodem horto quodlibet
