Kisparti János: A váci Theresianum története - Váci könyvek 8. (Vác, 1914)
Mellékleten
Vili MELLfiKLF.TEK Statui publico accessurum sit? Si in hoc Nostro Collegio Juvenes optimis Moribus ac Scientiis imbiendi, eas dotes, qualitatesque comparaverint, ut subseque per Nos ad Gerendas Res publicas utiliter applicari, ac ita apta, et idonea subjecta, continua quasi serie in hac bonarum Artium Sede, ac Domicilio pro Publico efformari potuerint; ad finem autem hunc essequendum certa et solida eo deservientia fundamenta per salutares Constitutiones ponenda sint. Hinc benigne volumus Primo: Ut in numerum praeattactorum viginti Alumnorum non alii, quam qui praestantibus (uti praemissum est) ad Studia talentis a Deo dotati esse comperientur, ac praeterea Hungaricae, Transilvanicae, aut Croaticae Nationis sint, assumantur. Secundo: Quivis ex his viginti Alumnis eousque tantum suam in hoc Collegio Mansionem habebit, donec recta specimina tam in linea Doctrinae, quam et Morum de se praebuerit, ne secus, inhabilia subjecta magis idoneorum locum occupent, taliterque benigna Nostra Intentio Regia desiderato suo frustretur effectu. Unde sub finem cujusvis Anni Scholastici singulus Alumnorum ex iis, quibus addiscendis incubuit, scientiis, prout etiam ex Catechismo in praesentia per Nos eatenus clementer denominandi Commissarii examinandus, ac qualiter in examine substiterit, genuina eatenus Relatio Nobis via praelibati Consilii Nostri Regii Locumtenentialis facienda erit. Nullae vero Theses, aut propositiones in typo extradabuntur, nisi prius Nobis remonstratae, ac clementer per Nos ratihabitae fuerint, Tertio: Volumus praeterea: ut ubi semel hi viginti Alumni Studia sua humaniora, et philosophica cum laude et profectu absolverint, de eo, ad qualemnam Statum, Militarem nempe, vel Civilem amplectendum inclinent? interrogentur, Nobisque id ipsum cum expressa singuli habilitate praescripto modo demisse repraesentetur. In casum autem emersurae in Fundatione ista Vacantiae, haec per Rectorem Collegii Nobis, aut vero in Vicem Nostri constituto moderno Episcopatus Vacziensis Administratori immediate insinuanda erit, ut ita tandem ejusmodi Vacantia per alterum Via Consilii Nostri Regii Locumtenentialis medio Cancellariae Nostrae Regiae Hungarico Aulicae Nobis proponendum, ac subseque per Nos clementer denominandum suppleri, idipsumque Collegio suo modo intimari possit. Decimo: Quod vero internam Collegii hujus Nostri constitutionem, attinet, jam superius attactum est ac idipsum ulterius etiam benigne ordinamus:
